ഫൺ ടാസ്റ്റിക്ക് ഫിലിംസ് ആൻ്റ് ജി.എം. എൻ്റെർടൈൻമെൻ്റിൻ്റെ ബാനറിൽ നവാഗതനായ – രാഹുൽ കല്ലു സംവിധാനം ചെയ്യുന്ന പുതിയ ചിത്രമാണ് പൗഡർ. നിരവധി ഷോർട്ട് ഫിലിമുകളിലൂടെ ഏറെ ശ്രദ്ധേയനാണ് രാഹുൽ കല്ലു. കോഴിക്കോടിൻ്റെ ഗ്രാമ പശ്ചാത്തലത്തിൽ ഇന്നത്തെ പുതിയ തലമുറയുടെ കഥ തികച്ചും രസകരമായി അവതരിപ്പിക്കുന്ന ചിത്രമാണ് പൗഡർ.
ഈ കാലഘട്ടത്തിലെ യുവാക്കളുടെ ജീവിതത്തിൽ ഏറെ സ്വാധീനമുണ്ടാക്കുന്ന വിഷയങ്ങളിലൂടെയാണ് അവതരണം. നാട്ടിലെ തികച്ചും സാധാരണക്കാരായ അഞ്ചു കള്ളന്മാരുടെ ജീവിതത്തിലൂടെയാണ് കഥാ വികസനം. ചെറിയ ഉദ്യമങ്ങളിലൂടെ മോഷണം നടത്തുന്ന ഇവർ വലിയൊരു ഉദ്യമത്തിലേക്കു കടക്കുന്നതും ഇവരുടെ ജീവിതത്തിൽ ഉണ്ടാക്കുന്ന വഴിത്തിരിവുമാണ് ഈ ചിത്രത്തിൻ്റെ പ്രമേയം. ധ്യാൻ ശ്രീനിവാസൻ , അജു വർഗീസ്, സൈജു ക്കുറുപ്പ് , സുധീഷ്, ഹരീഷ് കണാരൻ, തങ്കച്ചൻ വിതുര എന്നിവരാണ് ഈ യാത്രത്തിലെ അഞ്ചു കള്ളന്മാരെ അവതരിപ്പിക്കുന്നത്. പുതുമുഖമാണ് നായിക.
ഇവർക്കു പുറമേ ഏതാനും പ്രമുഖ താരങ്ങളും, നിരവധി പുതുമുഖങ്ങളും ഈ ചിത്രത്തിലഞ്ഞി നിരക്കുമനാഫിൻ്റേതാണ് രചന. മനു മഞ്ജിത്തിൻ്റെ വരികൾക്ക് അരുൺ മുരളീധരൻ ഈണം പകർത്തിരിക്കുന്നു, ഫാസിൽ നസീർ ഛായാഗ്രഹണം രതിൻ എഡിറ്റിങ്ങും നിർവ്വഹിക്കുന്നു ‘ കലാസംവിധാനം – ഷാജി മുകന്ദ്, നിർമ്മാണ നിർവ്വഹണം സുരേഷ്മമിത്രക്കരി, ഏപ്രിലിൽ ആദ്യവാരത്തിൽ മുക്കം, തിരുവാമ്പാടി ഭാഗങ്ങളിലായി ചിത്രീകരണം ആരംഭിക്കുന്നു. ഫൺ ടാസ്റ്റിക്ക് റിലീസ് ഈ ചിത്രം പ്രദർശനത്തിനെത്തിക്കുന്നു.
വാഴൂർ ജോസ്
