ദിസ്പുർ: ചൊവ്വാഴ്ച അസമിലെ തേസ്പൂർ പട്ടണത്തിലേക്ക് റോയൽ ബംഗാൾ കടുവ കടന്നുകയറി നിരവധി പേർക്ക് പരിക്കേറ്റു. സംഭവത്തിന്റെ വീഡിയോ സോഷ്യൽ മീഡിയയിൽ വൈറലായി. തേജ്പൂർ പട്ടണത്തിൽ നടന്ന സംഭവം പ്രദേശത്ത് പരിഭ്രാന്തി സൃഷ്ടിച്ചു. കടുവ ഇപ്പോഴും തുറന്ന നിലയിലാണെന്നാണ് പറയപ്പെടുന്നത്.
ഈ ബംഗാൾ കടുവ കാസിരംഗ നാഷണൽ പാർക്കിലെ വനമേഖലയിൽ നിന്നും ജനവാസ മേഖലയിലേക്ക് എത്തപ്പെട്ടതെന്നാണ് അറിവ്. കടുവ ആക്രമണത്തെക്കുറിച്ചുള്ള വിവരങ്ങൾ പുറത്തുവന്നപ്പോൾ സ്ഥിതിഗതികൾ നിയന്ത്രിക്കാൻ വനംവകുപ്പ് ഉദ്യോഗസ്ഥർ സ്ഥലത്തെത്തി.
കഴിഞ്ഞ ദിവസം കടുവ ആളുകളുടെ നേരെ ചാടി ആക്രമിക്കുകയായിരുന്നു. ആക്രമണത്തിൽ രണ്ട് വയസുള്ള കുഞ്ഞിനും അപകടം പറ്റിയിട്ടുണ്ട്. സ്ഥിതിഗതികൾ നിരീക്ഷിക്കുന്നതിനായി ഒരു വെറ്റിനറി സംഘത്തെയും മറ്റ് സഹായ സ്റ്റാഫുകളെയും സ്ഥലത്തേക്ക് അയച്ചു. തേജ്പൂർ ഡിവിഷണൽ ഫോറസ്റ്റ് ഓഫീസർ സ്ഥലത്തെത്തിയിട്ടുണ്ട്.
വനംവകുപ്പ് അധികൃതർ കടുവയെ മയക്കു വെടി വച്ചു വീഴ്ത്താനുള്ള പദ്ധതികളൊരുക്കിയിട്ടുണ്ട്. മയക്കുവെടി വയ്ക്കുന്നതിനായുള്ള വിദഗ്ധ സംഘവും സ്ഥലത്ത് ക്യാമ്പ് ചെയ്തിട്ടുണ്ട്.
