ന്യൂഡൽഹി: ഫെബ്രുവരി 15മുതല്‍ ദേശീയപാതയിലെ ടോള്‍ പ്ലാസ കടക്കണമെങ്കില്‍ ഫാസ്ടാഗ് നിര്‍ബന്ധം. ഫാസ്ടാഗ് ഇല്ലാത്തവര്‍ക്കും പ്രവര്‍ത്തിക്കാത്ത ഫാസ്ടാഗുമായി എത്തുന്നവര്‍ക്കും കനത്ത പിഴ ചുമത്തുമെന്നും അധികൃതർ അറിയിച്ചു. ഇരട്ടി നിരക്കിന് തുല്യമായ പിഴ നല്‍കേണ്ടിവരുമെന്നും കേന്ദ്ര സര്‍ക്കാര്‍ അറിയിച്ചു.
വാഹനം ടോള്‍ പ്ലാസ കടന്നുപോകുമ്പോള്‍ ഇലക്ട്രോണിക് സംവിധാനത്തിലായിരിക്കും ടോള്‍ തുക അടക്കേണ്ടത് അതായത് ബാങ്ക് അക്കൗണ്ടില്‍ നിന്നോ ഫാസ്ടാഗിലേക്ക് ലിങ്ക് ചെയ്ത പ്രീപെയ്ഡ് തുകയില്‍ നിന്നോ ഓട്ടോമാറ്റിക്കായി ഈടാക്കുന്ന സംവിധാനമാണ് നടപ്പാക്കുന്നത്. 2016 മുതലാണ്‌ ഫാസ്ടാഗ് സൗകര്യം നിലവില്‍ വന്നത്. 2021 ജനുവരി ഒന്നുമുതല്‍ ടോള്‍പ്ലാസകളില്‍ ഫാസ്ടാഗ് നിര്‍ബന്ധമാക്കുമെന്ന കേന്ദ്ര സര്‍ക്കാരിന്‍റെ തീരുമാനം കോവിഡ് മൂലം ഫെബ്രുവരി 15ലേയ്ക്ക് നീട്ടുകയായിരുന്നു.
