ന്യൂദല്ഹി: റിസര്വ് ബാങ്ക് ഗവര്ണര് ശക്തികാന്ത ദാസിന് കൊവിഡ് -19 സ്ഥിരീകരിച്ചു. രോഗം സ്ഥിരീകരിച്ചത് അദ്ദേഹം തന്നെയാണ് ട്വിറ്ററിലൂടെ അറിയിച്ചത്. തനിക്ക് ആരോഗ്യ പ്രശ്നങ്ങളൊന്നും ഇല്ലെന്നും, താനുമായി അടുത്തിടപഴകിയവർ ക്വാറന്റീനിൽ പ്രവേശിക്കണം എന്നും ശക്തികാന്ത ദാസ് ട്വിറ്ററിലൂടെ അറിയിച്ചു. ജോലിയുമായി ബന്ധപ്പെട്ട എല്ലാ ഉത്തരവാദിത്തങ്ങളും വീട്ടിൽ നിന്ന് തന്നെ ചെയ്യുന്നുണ്ടെന്നും അദ്ദേഹം കൂട്ടിച്ചേർത്തു.
രാജ്യത്ത് 78,64,811 പേർക്കാണ് ഇതുവരെ കൊവിഡ് സ്ഥിരീകരിച്ചിരിക്കുന്നത്. ആകെ കൊവിഡ് ബാധിച്ച് മരിച്ചവരുടെ എണ്ണം 1,18,534 ആയി. കേരളം, മഹാരാഷ്ട്ര, തമിഴ്നാട്, കർണാടക, ആന്ധ്ര, പശ്ചിമബംഗാൾ എന്നീ സംസ്ഥാനങ്ങളിലാണ് കൊവിഡ് കേസുകൾ ഉയർന്ന തോതിലുള്ളത്. രാജ്യത്തെ പുതിയ കണക്ക് പ്രകാരം നിലവിൽ കോവിഡ് ബാധിച്ച് ചികിത്സയിലുള്ളവർ 6,68,154 പേരാണ്.
