തിരുവനന്തപുരം: ലക്ഷദ്വീപ് അഡ്മിനിസ്ട്രേറ്റര് പ്രഫുല് ഖോഡ പട്ടേലിനെ ഉത്തരവാദിത്തങ്ങളിൽനിന്ന് നീക്കണമെന്ന പ്രമേയം കേരള നിയമസഭ പാസാക്കി. ലക്ഷദ്വീപുകാരുടെ ജീവനും ഉപജീവനവും സംരക്ഷിക്കാൻ കേന്ദ്രസർക്കാർ അടിയന്തരമായി ഇടപെടണമെന്നും പ്രമേയത്തിൽ ആവശ്യപ്പെട്ടിട്ടുണ്ട്. മുഖ്യമന്ത്രി പിണറായി വിജയനാണ് പ്രമേയം അവതരിപ്പിച്ചത്.
കേന്ദ്രഭരണ പ്രദേശമായ ലക്ഷദ്വീപിന്റെ ഭാവി ഇരുള് അടഞ്ഞ് പോകുന്ന പോലെയുള്ള പരിഷ്കാരങ്ങളാണ് നടപ്പാക്കുന്നതെന്നും കൊളോണിയല് കാലത്തെ വെല്ലുന്ന നടപടികളാണ് ലക്ഷദ്വീപില് നടക്കുന്നതെന്നും കാവി അജണ്ടകളും കോര്പറേറ്റ് താല്പര്യങ്ങളും അടിച്ചേല്പിക്കാനുള്ള ശ്രമങ്ങളാണ് അവിടെ നടന്നുകൊണ്ടിരിക്കുന്നതെന്നും മുഖ്യമന്ത്രി അറിയിച്ചു.
അതേസമയം കേന്ദ്രത്തെ പേരെടുത്തു വിമര്ശിക്കണമെന്നാണ് പ്രതിപക്ഷം ആവശ്യപ്പെട്ടത്.