വാഷിംഗ്‌ടണ്‍: കോവിഡ് സൃഷ്ടിച്ച സാമ്പത്തിക പ്രതിസന്ധിയില്‍നിന്നു൦ പൂര്‍ണമായും കരകയറാന്‍ ആഗോള സമ്പദ് വ്യവസ്ഥ വളരെയേറെ സമയമെടുക്കുമെന്ന് ഇന്‍റര്‍നാഷണല്‍ മൊണേറ്ററി ഫണ്ട് (IMF).
“2020ല്‍ ജിഡിപിയില്‍ മൂന്ന് ശതമാനം ഇടിവുണ്ടാകുമെന്ന മുന്‍ പ്രവചനം പുതുക്കേണ്ടിവരും. വിവിധ ലോകരാജ്യങ്ങളില്‍ നിന്നു ലഭിച്ച വിവരങ്ങള്‍ പ്രതീക്ഷിച്ചതിലും മോശമാണ്. സമ്പദ് വ്യവസ്ഥ എപ്പോള്‍ പഴയപടി ആകുമെന്ന് പറയാനാകില്ല. മഹാമാരി നല്‍കിയ വെല്ലുവിളികളെ അതിജീവിച്ചുവേണം മുന്നോട്ടുപോകേണ്ടത്. വിപണികള്‍ വീണ്ടും തുറക്കുകയും വ്യാപാരത്തിന്‍റെ സുഗമമായി നടക്കുകയും വേണം”, IMF മാനേജി൦ഗ് ഡയറക്ടര്‍ ക്രിസ്റ്റലീന ജോര്‍ജീവ വ്യക്തമാക്കി.
അതേസമയം, കോവിഡ് പ്രതിസന്ധി മറികടക്കാന്‍ നിരവധി സാമ്പത്തിക പരിഷ്ക്കാരങ്ങളാണ് രാജ്യങ്ങള്‍ പ്രാവര്‍ത്തികമാക്കുന്നത്. ഇന്ത്യയില്‍ 20 ലക്ഷം കോടിയുടെ ഉത്തെജന പാക്കേജ് ആണ് പ്രധാനമന്ത്രി പ്രഖ്യാപിച്ചത്. രാജ്യത്തെ വിവിധ തലങ്ങളില്‍പ്പെട്ട ആളുകളുടെ സമഗ്ര ഉന്നമനമാണ് സര്‍ക്കാര്‍ ലക്ഷ്യമിടുന്നത്.
