കാബൂള്: അഫ്ഗാനിസ്ഥാനില് ഭരണം പിടിച്ചെടുക്കാന് ശ്രമിക്കുന്ന താലിബാന് രാജ്യത്തെ പ്രധാന റേഡിയോ സ്റ്റേഷന് പിടിച്ചെടുത്തതായി റിപ്പോർട്ട്.
റേഡിയോ സ്റ്റേഷന് പിടിച്ചെടുത്തുവെന്നും സ്റ്റേഷന്റെ പേര് ‘വോയ്സ് ഓഫ് ശരീഅ’ എന്നാക്കി മാറ്റിയെന്നും താലിബാൻ അവകാശപ്പെടുന്നു. കൂടാതെ വാര്ത്തകളും രാഷ്ട്രീയ വിശകലനങ്ങളും ഖുര്ആന് പാരായണവും സ്റ്റേഷനില് നിന്നും സംപ്രേക്ഷണം ചെയ്യുമെന്ന് താലിബാന് അറിയിച്ചു.
സ്റ്റേഷനില് നിന്നും ഇനി മുതല് പാട്ടുകളോ മറ്റു സംഗീത പരിപാടികളോ സംപ്രേക്ഷണം ചെയ്യില്ലെന്നും അവർ കൂട്ടിച്ചേർത്തു. അഫ്ഗാൻ ജനതയ്ക്ക് നേരെയുള്ള ആക്രമണത്തെ തുടര്ന്ന് ജനങ്ങള് കാബൂളിലേക്ക് പലായനം ചെയ്യുകയാണ്. അതേസമയം അഫ്ഗാനിസ്ഥാനിലെ രണ്ടാമത്തെ വലിയ നഗരമായ കാണ്ഡഹാർ പിടിച്ചെടുത്തതായി താലിബാൻ അവകാശപ്പെട്ടു. താലിബാൻ പിടിച്ചെടുക്കുന്ന പന്ത്രണ്ടാമത്തെ പ്രവിശ്യാ തലസ്ഥാനമാണ് കാണ്ഡഹാർ.