ന്യൂഡല്ഹി: ഇന്ത്യയുടെ രാഷ്ട്രീയരംഗത്തും ഭരണരംഗത്തും കോവിഡ് പിടിമുറുക്കുമോ എന്ന സംശയം ഉണര്ത്തുന്ന രീതിയിലാണ് ഇന്നത്തെ കോവിഡ് ടെസ്റ്റ് റിസള്ട്ടുകള് പുറത്തു വന്നത്. വാര്ത്തയില് ഇന്ത്യന് ഭരണവിഭാഗം ആശങ്ക ഉന്നയിച്ചു. ഏതാണ്ട് 30 എം.പി.മാര്ക്ക് കോവിഡ് ഇന്ന് സ്ഥിരീകരിച്ചു. ഇവരെ കൂടാതെ രണ്ട് കേന്ദ്രമന്ത്രിമാര്ക്കും കോവിഡ് സ്ഥിരീകരിച്ചിട്ടുണ്ട്. സമ്മേളനത്തോടനുബന്ധിച്ച് നടത്തിയ കോവിഡ് പരിശോധനയിലാണ് എം.പി.മാര്ക്കൊക്കെ കോവിഡ് സ്ഥിരീകരിച്ചത്.
വാര്ത്ത ഏജന്സിയായ എ.എന്.ഐ ട്വീറ്ററിലാണ് ഈ വിവരം പുറത്തു പറഞ്ഞത്. കഴിഞ്ഞ ദിവസങ്ങളില് തുടങ്ങിയ പാര്ലമെന്റ് സമ്മേളനത്തിന്റെ ഭാഗമായാണ് എം.പി.മാര്ക്കും മറ്റുള്ളവര്ക്കും കോവിഡ് ടെസ്റ്റ് നടത്തിയത്. എം.പി.മാരെയും മന്ത്രിമാരെയും കൂടാതെ ഏതാണ്ട് അറുപതോളം പാര്ലമെന്റ് ജീവനക്കാര്ക്കും കോവിഡ് സ്ഥിരീകരിച്ചു എന്നാണ് റിപ്പോര്ട്ട്. പക്ഷേ, കൃത്യമായ പേര്വിവരവും രോഗം സ്ഥിരീകരിക്കപ്പെട്ടവരുടെയും വിവരം പുറത്തുവിട്ടിട്ടില്ല.