തിരുവനന്തപുരം: ദല്ഹി നിസാമുദ്ദീനിലെ തബ്ലീഗ് ജമാഅത്ത് സമ്മേളനത്തില് കേരളത്തില് നിന്ന് പങ്കെടുത്ത 45 പേരെ തിരിച്ചറിഞ്ഞു. കേരളത്തിലെ ഏഴ് ജില്ലകളില് നിന്നുള്ളവരാണ് സമ്മേളനത്തില് പങ്കെടുത്തത്.
പത്തനംതിട്ട 14, ആലപ്പുഴ 8, കോഴിക്കോട് 6, ഇടുക്കി 5, പാലക്കാട് 4, മലപ്പുറം 4, തിരുവനന്തപുരം 4 എന്നിങ്ങനെയാണ് കണക്ക്. ആകെ 1830 പേരെ തിരിച്ചറിഞ്ഞെന്ന് കേന്ദ്ര ആരോഗ്യ മന്ത്രാലയം അറിയിച്ചു.
മാര്ച്ച് പകുതിയില് നടന്ന സമ്മേളനത്തില് രണ്ടായിരത്തിലേറെ പേരാണ് പങ്കെടുത്തത്. 281 വിദേശികളും പങ്കെടുത്തിരുന്നു.
സമ്മേളനത്തില് പങ്കെടുത്ത ആറ് തെലങ്കാന സ്വദേശികള് മരിച്ചിരുന്നു. പ്രദേശത്തെ ജനങ്ങളെ മുഴുവന് മാറ്റിപ്പാര്പ്പിക്കാനുള്ള ഒരുക്കത്തിലാണ് അധികൃതര്.