ഐറിഷ് പാസ്പോർട്ട് കാലാവധി അവസാനിക്കുന്നതിന് മുമ്പ് ഓർമ്മിപ്പിക്കുന്ന പുതിയ സംവിധാനം 2027 മുതൽ നിലവിൽ വരും. ആദ്യമായി പാസ്പോർട്ടിന് അപേക്ഷിക്കുന്നവർക്കും നിലവിലുള്ള പാസ്പോർട്ട് പുതുക്കുന്നവർക്കും ഈ സേവനം ലഭ്യമാകും. 2027 മുതൽ പാസ്പോർട്ടിന് അപേക്ഷിക്കുകയോ പുതുക്കുകയോ ചെയ്യുന്നവർക്ക് ഇലക്ട്രോണിക് അറിയിപ്പുകൾ ലഭിക്കുന്നതിനായി opt-in ചെയ്യാം. ഇതിൽ പാസ്പോർട്ട് കാലാവധി അവസാനിക്കുന്നതിനുള്ള റിമൈൻഡറും ഉൾപ്പെടും.
Join GNN24X7 IRELAND Whatsapp Group 🔗 https://chat.whatsapp.com/HCHNSM0uwJ54sRAzNI1ur2
നിലവിൽ പാസ്പോർട്ട് കാലാവധി അവസാനിക്കുന്ന വിവരം അറിയിക്കുന്ന പ്രത്യേക സംവിധാനമില്ല. യാത്രയ്ക്ക് മുമ്പ് പാസ്പോർട്ടിന്റെ കാലാവധി പരിശോധിക്കേണ്ടത് യാത്രക്കാരുടെ ഉത്തരവാദിത്വമാണ്. ഡാറ്റാ സംരക്ഷണ നിയമങ്ങൾ കണക്കിലെടുത്താണ് പുതിയ സംവിധാനം opt-in അടിസ്ഥാനത്തിൽ നടപ്പാക്കുന്നതെന്ന് വിദേശകാര്യ മന്ത്രി ഹെലൻ മക്കന്റീ വ്യക്തമാക്കി. പത്ത് വർഷം മുമ്പ് പാസ്പോർട്ട് അയയ്ക്കാൻ ഉപയോഗിച്ച വിലാസമോ ഇമെയിൽ വിലാസമോ ഇപ്പോഴും ശരിയാണെന്ന് ഉറപ്പില്ലാത്തതിനാൽ അവ സ്വമേധയാ ഉപയോഗിക്കാൻ സാധിക്കില്ലെന്നും മന്ത്രി പറഞ്ഞു.
പുതിയ സംവിധാനം 2027 മുതൽ പുതുതായി അനുവദിക്കുന്ന പാസ്പോർട്ടുകൾക്ക് മാത്രമേ ബാധകമാകൂ. അതിനാൽ അടുത്ത ഏതാനും വർഷങ്ങളിൽ കാലാവധി അവസാനിക്കുന്ന നിലവിലെ പാസ്പോർട്ടുകൾക്ക് ഈ റിമൈൻഡർ സംവിധാനം ലഭിക്കില്ല.
പുതിയ ഡിസൈനിലുള്ള ഐറിഷ് പാസ്പോർട്ട്
അടുത്തിടെ സർക്കാർ പുതിയ ഡിസൈനിലുള്ള ഐറിഷ് പാസ്പോർട്ടും പാസ്പോർട്ട് കാർഡും പുറത്തിറക്കിയിരുന്നു. ഏകദേശം €8 മില്യൺ ചെലവഴിച്ചാണ് പുതിയ സുരക്ഷാ സാങ്കേതികവിദ്യകളും പ്രിന്റിംഗ് സംവിധാനങ്ങളും ഡിസൈനുകളും അവതരിപ്പിച്ചത്.
പുതിയ പാസ്പോർട്ടിൽ ചുവന്ന കുറുക്കൻ, മുയൽ, പഫിൻ, പൈൻ മാർട്ടൻ, ബാഡ്ജർ, ബ്ലൂ ടിറ്റ്, ഓട്ടർ, റെഡ് സ്ക്വിറൽ, റോബിൻ തുടങ്ങിയ ഐറിഷ് വന്യജീവികളുടെ ചിത്രങ്ങളും ഉൾപ്പെടുത്തിയിട്ടുണ്ട്. പാസ്പോർട്ടിന്റെ കവർ പേജിൽ ഉയർത്തിയ മഷിയിൽ ഐറിഷ് വൂൾഫ്ഹൗണ്ടിന്റെ ചിത്രവും നൽകിയിട്ടുണ്ട്.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==
