കോഴിക്കോട്: കെ എം ഷാജി എംഎല്‍എയുടെ ഭാര്യ ആശ ഷാജിക്ക് കോഴിക്കോട് കോർപറേഷന്‍ നോട്ടീസയച്ചു. അനധികൃത കെട്ടിട നിര്‍മാണവുമായി ബന്ധപ്പെട്ടാണ് നോട്ടീസ് അയച്ചിരിക്കുന്നത്. ഡിസംബര്‍ 17ന് ഹാജരാകണമെന്നാണ് നോട്ടിസില്‍ പറയുന്നത്.
ആശയുടെ പേരിൽ വാങ്ങിയ വേങ്ങേരി വില്ലേജിലെ ഭൂമി കയ്യേറ്റം കണ്ടെത്തിയതിനെ തുടർന്നാണ് നോട്ടിസ് അയച്ചിരിക്കുന്നത്. കോർപറേഷനില്‍നിന്ന് അനുമതി വാങ്ങിയത് 3200 ചതുരശ്ര അടി വിസ്തീർണമുള്ള വീട് നിർമിക്കാനല്ല ഭൂമിയാണ്. എന്നാൽ 5500 ചതുരശ്രയടിയിലധികം വിസ്തീര്‍ണമുണ്ടെന്നാണ് കോർപേറേഷന്‍ നടത്തിയ അളവെടുപ്പില്‍ വ്യക്തമായത്.
നേരത്തെ കെ എം ഷാജി എംഎല്‍എയ്‌ക്കെതിരെ അഴീക്കോട് മണ്ഡലത്തിലെ സ്‌കൂളിന് പ്ലസ്ടു അനുവദിക്കുന്നതിന് കോഴ വാങ്ങിയെന്ന ആരോപണത്തിന് പിന്നാലെയാണ് വീടിന്റെ അളവെടുപ്പ് നടന്നത്. എന്‍ഫോഴ്സ്മെന്റ് ഡയറക്ടറേറ്റ് ആവശ്യപ്പെട്ടതിനെ തുടർന്നാണ് വീടിന്റെ അളവെടുപ്പ് നടന്നത്.
