തിരുവനന്തപുരം: അനധികൃത ദത്തു നല്കിയ കേസില് ഡിഎന്എ പരിശോധനയിൽ കുഞ്ഞ് അനുപമയുടേത് തന്നെയെന്നു തെളിഞ്ഞു. ഫലം സിഡബ്ല്യുസിക്ക് കൈമാറി. ഡിഎന്എ പരിശോധനയില് മൂന്നു പേരുടെയും ഫലം പോസിറ്റീവായി. ഈ റിപ്പോര്ട്ട് സിഡബ്ല്യുസി കോടതിയില് സമര്പ്പിക്കും. രാജീവ് ഗാന്ധി സെന്റര് ഫോര് ബയോടെക്നോളജിയാണ് കുഞ്ഞിന്റെ സാംപിള് പരിശോധിച്ച് ഡിഎന്എ റിപ്പോര്ട്ട് സിഡബ്ല്യുസിക്ക് കൈമാറിയത്.
ദത്ത് നടപടിക്രമങ്ങളുമായുള്ള അന്വേഷണ റിപ്പോര്ട്ട് ഈ മാസം 29 ന് കോടതിയില് സമര്പ്പിക്കാമെന്നാണു സിഡബ്ല്യുസി തിരുവനന്തപുരം കുടുംബകോടതിയെ അറിയിച്ചത്. ദത്തു കേസിലെ അതിനിര്ണായക പരിശോധനാഫലമാണ് ഇന്നു സിഡബ്ല്യുസിക്ക് കൈമാറിയിരിക്കുന്നത്. കുഞ്ഞ് തന്റേതാണെന്ന അനുപമയുടെ അവകാശവാദത്തിനു പരിശോധനാഫലത്തിലൂടെ വ്യക്തതയുണ്ടാകും. സര്ക്കാര് ഏജന്സികള്ക്കോ കോടതികള്ക്കോ മാത്രമേ ഡിഎന്എ പരിശോധനാഫലം രാജീവ്ഗാന്ധി സെന്റര് ഫോര് ബയോടെക്നോളജി കൈമാറാവൂ എന്നതാണ് നിയമം. പരിശോധനയ്ക്കായി കുഞ്ഞ്, അനുപമ, അജിത്ത് എന്നിവരുടെ സാംപിള് ശേഖരിച്ചപ്പോഴും സിഡബ്ല്യുസി ഉദ്യോഗസ്ഥരുടെ സാന്നിധ്യമുണ്ടായിരുന്നു.
