പത്തനംതിട്ട: പുതുക്കുളങ്ങര പള്ളിയോടത്തില്ക്കയറി ഫോട്ടോ ഷൂട്ട് നടത്തിയ യുവതിയെയും സഹായിയെയും അറസ്റ്റ് ചെയ്ത് ജാമ്യത്തില് വിട്ടു. തൃശൂര് ചാലക്കുടി സ്വദേശി നിമിഷ ബിജോയെയും സഹായി പത്തനംതിട്ട പുലിയൂര് സ്വദേശി ഉണ്ണിയെയുമാണ് അറസ്റ്റ് ചെയ്ത് മൊഴിയെടുത്ത് സ്റ്റേഷന് ജാമ്യത്തില് വിട്ടത്. പള്ളിയോട സംഘം നല്കിയ പരാതിയിലാണ് നടപടി.
വ്രതശുദ്ധിയോടുകൂടി മാത്രമേ പള്ളിയോടത്തില് കയറാന് പാടുള്ളൂ എന്നാണ് പള്ളിയോട സംഘത്തിൻറെ വിശ്വാസം. സ്ത്രീകള് പള്ളിയോടങ്ങളില് കയറാന് പാടില്ലെന്നും കൂടാതെ പാദരക്ഷകള് ഉപയോഗിക്കരുതെന്നും ആചാരമുണ്ട്. നിമിഷ ഷൂസിട്ടാണ് പള്ളിയോടത്തില് കയറിയതെന്നാണ് പരാതിക്കാർ ചൂണ്ടിക്കാട്ടിയത്.