ദുബായ്: കോവിഡ് ബാധിച്ച് ഒരു ഡോക്ടർ ഉൾപ്പെടെ നാല് മലയാളികൾ കൂടി ഗൾഫിൽ മരിച്ചു. ശിശുരോഗ വിദഗ്ധനായ എടപ്പാൾ സ്വദേശി ഡോ.പി.മുകുന്ദൻ ( 66) റിയാദിലാണ് മരിച്ചത്. കൊയിലാണ്ടി നന്തിയിൽ ശാന്തി ക്ലിനിക്ക് നടത്തിയിരുന്ന ഇദ്ദേഹം രണ്ട് വർഷമായി റിയാദിലാണ്. ഭാര്യമാർ: മേഴ്സി, പരേതയായ പ്രീതി. മക്കൾ: സാനിയ, ഡോ.ഋത്വിക്.
മലപ്പുറം മങ്കട വടക്കാങ്ങര വടക്കേ കുളമ്പ് ശിഹാബുദ്ദീൻ (37) ജിദ്ദയിൽ മരിച്ചു. ഭാര്യ: ഷംല. മക്കൾ: മുഹമ്മദ് ഷാമിൽ, ഷംന.
ഇരിങ്ങാലക്കുട പൊറത്തിശ്ശേരി സ്വദേശി നെടുമ്പാൾ വേണു (59) ഖത്തറിൽ മരിച്ചു. ഭാര്യ: സിന്ധു.
ആലപ്പുഴ അരൂക്കുറ്റി 12–ാം വാർഡ് വടുതല ചെന്നാളിൽ സിഎംഎ ഖാദറിന്റെ മകൻ ഷിഹാബുദ്ദീൻ (ഷിബു–50) ഒമാനിൽ മരിച്ചു. ഭാര്യ വഹീദ. രണ്ട് മക്കളുണ്ട്.
