ബാങ്കിംഗ് 365 സംവിധാനം ഉൾപ്പെട്ട 10 ഡാറ്റാ ലംഘനങ്ങളെക്കുറിച്ചുള്ള അന്വേഷണത്തെ തുടർന്ന് ബാങ്ക് ഓഫ് അയർലൻഡിന് ഡാറ്റ പ്രൊട്ടക്ഷൻ കമ്മീഷൻ (ഡിപിസി) 750,000 യൂറോ പിഴ ചുമത്തി. ഓൺലൈൻ ബാങ്കിംഗ് പ്ലാറ്റ്ഫോമിലെ ഉപയോക്താക്കൾക്ക് അവരുടേതല്ലാത്ത അക്കൗണ്ടുകളിലേക്ക് ആക്സസ് നൽകുന്നതായി കണ്ടെത്തി.
136 അക്കൗണ്ടുകളിലാണ് ലംഘനം നടന്നത്. എന്നാൽ ബാധിച്ച ഉപഭോക്താക്കൾക്ക് സാമ്പത്തിക നഷ്ടമൊന്നും കണ്ടെത്തിയിട്ടില്ല. പത്ത് ഡാറ്റാ ലംഘനങ്ങളിൽ ആറിലും, ഉദ്യോഗസ്ഥർ ബാങ്ക് നടപടിക്രമങ്ങൾ കൃത്യമായി പാലിക്കാത്തതിന്റെ ഫലമായി അനധികൃത ആളുകൾക്ക് ഉപഭോക്താക്കളുടെ അക്കൗണ്ടുകളിലേക്ക് ഓൺലൈനിൽ അക്സസ്സ് ലഭിച്ചു.
ബാക്കിയുള്ള നാല് ഡാറ്റാ ലംഘനങ്ങൾ ബാങ്കിന്റെ കസ്റ്റമർ ഇൻഫർമേഷൻ സിസ്റ്റത്തിലെ പിഴവാണ്. തെറ്റുകൾക്ക് ആത്മാർത്ഥമായി മാപ്പ് ചോദിക്കുന്നതായി ബാങ്ക് ഓഫ് അയർലൻഡ് പറഞ്ഞു. 50,000-ത്തിലധികം ഉപഭോക്താക്കളെ ബാധിക്കുന്ന ഡാറ്റാ ലംഘനങ്ങൾക്ക് 2022 ഏപ്രിലിൽ ബാങ്ക് ഓഫ് അയർലണ്ടിന് ഡാറ്റാ പ്രൊട്ടക്ഷൻ കമ്മീഷൻ 463,000 യൂറോ പിഴ ചുമത്തി.
GNN NEWS IRELAND നിന്നുള്ള പ്രധാന വാര്ത്തകളും, ബ്രേക്കിംഗ് ന്യൂസുകളും വാട്സാപ്പില് ലഭിക്കുവാന് താഴെയുള്ള ലിങ്കില് ക്ലിക്ക് ചെയ്ത് ജോയിന് ചെയ്യുക.
https://chat.whatsapp.com/JhxiciOJCEF28fswCzOCIB