ഡ്രൂയിഡ്സ് ഗ്ലെനിൽ പ്രതിരോധ, വിദേശകാര്യ മന്ത്രിമാരുടെ യോഗങ്ങൾ; റോഡുകളിൽ സുരക്ഷാ ക്രമീകരണങ്ങൾ ശക്തമാക്കി
യൂറോപ്യൻ യൂണിയൻ പ്രതിരോധ, വിദേശകാര്യ മന്ത്രിമാരുടെ അനൗപചാരിക യോഗങ്ങൾ നടക്കുന്നതിനോടനുബന്ധിച്ച് വിക്ലോയിലെ ഡ്രൂയിഡ്സ് ഗ്ലെൻ ഹോട്ടൽ ആൻഡ് ഗോൾഫ് റിസോർട്ടിന് സമീപം താൽക്കാലിക ഗതാഗത നിയന്ത്രണങ്ങൾ ഏർപ്പെടുത്തുമെന്ന് ഗാർഡ അറിയിച്ചു.
Join GNN24X7 IRELAND Whatsapp Group 🔗 https://chat.whatsapp.com/HCHNSM0uwJ54sRAzNI1ur2
യൂറോപ്യൻ യൂണിയൻ കൗൺസിലിന്റെ അയർലണ്ട് പ്രസിഡൻസിയുടെ ഭാഗമായാണ് മന്ത്രിതല യോഗങ്ങൾ സംഘടിപ്പിക്കുന്നത്. ഓഗസ്റ്റ് 31, സെപ്റ്റംബർ 1 തീയതികളിലാണ് EU പ്രതിരോധ മന്ത്രിമാരുടെ അനൗപചാരിക യോഗം നടക്കുന്നത്. സെപ്റ്റംബർ 1, 2 തീയതികളിൽ വിദേശകാര്യ മന്ത്രിമാരുടെ യോഗവും നടക്കും.
ഡ്രൂയിഡ്സ് ഗ്ലെൻ ഹോട്ടൽ ആൻഡ് ഗോൾഫ് റിസോർട്ടിന് സമീപമുള്ള റോഡുകളിൽ ഓഗസ്റ്റ് 31 മുതൽ സെപ്റ്റംബർ 2 വരെ പ്രാദേശികവും താൽക്കാലികവുമായ ഗതാഗത നിയന്ത്രണങ്ങൾ ഉണ്ടായേക്കുമെന്ന് ഗാർഡ വ്യക്തമാക്കി. നിയന്ത്രണങ്ങൾ പരിമിതമായ പ്രദേശങ്ങളിൽ മാത്രമായിരിക്കുമെന്നും സാധാരണ ഗതാഗതത്തെ കാര്യമായി ബാധിക്കില്ലെന്നും അധികൃതർ അറിയിച്ചു. മന്ത്രിമാരുടെയും മറ്റ് ഔദ്യോഗിക പ്രതിനിധികളുടെയും വാഹനവ്യൂഹങ്ങൾ കടന്നുപോകുന്ന സമയത്ത് ‘rolling road closures’ ഉൾപ്പെടെയുള്ള താൽക്കാലിക റോഡ് നിയന്ത്രണങ്ങൾ ഉണ്ടായേക്കാം.
ഇത്തരം നിയന്ത്രണങ്ങൾ നേരിടുന്ന സാഹചര്യത്തിൽ ഡ്യൂട്ടിയിലുള്ള ഗാർഡ അംഗങ്ങളുടെ നിർദേശങ്ങൾ പൊതുജനങ്ങൾ പാലിക്കണമെന്നും ഗാർഡ അഭ്യർഥിച്ചു. സുരക്ഷാ കാരണങ്ങളാൽ യോഗങ്ങൾ നടക്കുന്ന പ്രദേശത്ത് പൊലീസ് സാന്നിധ്യവും ഗതാഗത നിയന്ത്രണ സംവിധാനങ്ങളും ശക്തമാക്കിയിട്ടുണ്ട്.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==
