ഡബ്ലിൻ: ഡബ്ലിൻ എയർപോർട്ടിന്റെ ഡിമാൻഡ് വർധിച്ചതും സമീപത്തെ സ്വകാര്യ കാർ പാർക്ക് അടച്ചതും പാർക്കിംഗ് ചാർജ് വർദ്ധനയ്ക്ക് കാരണമായി. 3,500 ഇടങ്ങളുള്ള ക്വിക്ക് പാർക്ക് സൗകര്യം അടച്ചത് പ്രശ്നം വർദ്ധിപ്പിച്ചു. പാർക്കിംഗ് കൂടുതൽ ദുഷ്‌കരമായിത്തീർന്നിരിക്കുന്നു. പ്രത്യേകിച്ച് തിരക്കേറിയ സമയങ്ങളിലാണ് പ്രശ്നം രൂക്ഷമായി അനുഭവപ്പെടുന്നത്.
ചില സന്ദർഭങ്ങളിൽ കാർ പാർക്കിംഗ് ചാർജ് ഇരട്ടിയാക്കിയതായി യാത്രക്കാർ പരാതികൾ ഉയർത്തി എന്ന റിപ്പോർട്ടുകൾക്കിടയിലാണ് ഈ പ്രശ്നങ്ങൾ വരുന്നത്. DAA കാമ്പസിലുടനീളം 18,500 കാർ പാർക്കിംഗ് സ്ഥലങ്ങൾ കൈകാര്യം ചെയ്യുന്നു.
വിമാനത്താവളത്തിലെ പാർക്കിംഗിന്റെ വില നിരവധി ഘടകങ്ങളെ ആശ്രയിച്ച് മാറ്റപ്പെട്ടുകൊണ്ടിരിക്കുമെന്നും പ്രത്യേകിച്ചും വർഷത്തിലെ സമയവും ആ സമയത്തെ പാർക്കിംഗിന്റെ ആവശ്യകതയും ഇതിലെ ഒരു പ്രധാന ഘടകമാണെന്ന് DAA യുടെ (മുമ്പ് ഡബ്ലിൻ എയർപോർട്ട് അതോറിറ്റി) വക്താവ് Kevin Cullinane പ്രതികരിച്ചു. “ഈ ഡൈനാമിക് പ്രൈസിംഗ് മോഡൽ അർത്ഥമാക്കുന്നത് ചിലപ്പോൾ ഒരു ഉപഭോക്താവിന് അവർ മുമ്പ് ചെയ്തതിനേക്കാൾ കുറവോ കൂടുതലോ നൽകാം എന്നാണ്. ഡബ്ലിൻ എയർപോർട്ടിൽ പാർക്ക് ചെയ്യേണ്ട എല്ലാവർക്കും പാർക്കിങ്ങിനുള്ള ആവശ്യം ഫലപ്രദമായി കൈകാര്യം ചെയ്യാൻ ഇത് പ്രാപ്തരാക്കുന്നു” എന്നും “ലഭ്യമായ ഏറ്റവും മികച്ച പാർക്കിംഗ് നിരക്കുകൾക്കായി, ഓൺലൈനായി മുൻകൂട്ടി ബുക്ക് ചെയ്യാൻ യാത്രക്കാരെ ഉപദേശിക്കുന്നു” എന്നും അദ്ദേഹം കൂട്ടിച്ചേർത്തു.
വാരാന്ത്യ സ്‌പെഷലിന്റെ ഭാഗമായി ജൂൺ ബാങ്ക് അവധിക്കാലത്തെ ഹ്രസ്വകാല ലോട്ടുകളിൽ 72 മണിക്കൂർ കഴിഞ്ഞുകൂടുന്നതിനായി €74.95 നും €89.95 നും ഇടയിൽ ചിലവാകും. ഇതേ കാലയളവിൽ ഓഫ്-സൈറ്റ് ഹോളിഡേ ബ്ലൂ ലോട്ടിൽ പാർക്കിംഗിന് 34 യൂറോയും എക്സ്പ്രസ് റെഡ് ലോട്ടിൽ 42 യൂറോയുമാണ്. വിമാനത്താവളത്തിലേക്കുള്ള പ്രവേശനത്തിന് long-term lotsൽ നിന്ന് ഒരു ഷട്ടിൽ ബസ് ആവശ്യമാണ്.
