പത്തനംതിട്ട∙ പാചക വിദഗ്ധനും സിനിമ നിർമാതാവുമായ ഷെഫ് നൗഷൗദ് മരണപ്പെട്ടു എന്ന വാർത്ത വ്യാജമെന്നു ബന്ധുക്കളും സുഹൃത്തുക്കളും. നിലവിൽ തിരുവല്ലയിലെ സ്വകാര്യ ആശുപത്രിയിൽ വെന്റിലേറ്ററിലാണ് അദ്ദേഹം. കണ്ണൂരിലെ മറ്റൊരു ഷെഫ് നൗഷാദാണു മരിച്ചതെന്നും അതാണു ഷെഫ് നൗഷാദ് മരിച്ചു എന്ന തരത്തിൽ സമൂഹമാധ്യമത്തിൽ പ്രചരിച്ചതെന്നും മാധ്യമങ്ങളോട് വ്യക്തമാക്കി.
രണ്ടാഴ്ച മുൻപാണ് നൗഷാദിന്റെ ഭാര്യ ഷീബ ഹൃദയാഘാതത്തെ തുടർന്നു മരണമടഞ്ഞത്. ഭാര്യ മരിക്കുമ്പോഴും നൗഷാദ് ഐസിയുവിലായിരുന്നു. നാലാഴ്ച മുൻപാണ് അദ്ദേഹത്തെ ആശുപത്രിയിൽ പ്രവേശിപ്പിച്ചത്.
പാചകരംഗത്ത് വൈദഗ്ധ്യം തെളിയിച്ച നൗഷാദിന് തിരുവല്ലയിൽ ഹോട്ടലും കാറ്ററിങ് സര്‍വീസും ഉണ്ട്. കൂടാതെ കാഴ്ച, ചട്ടമ്പിനാട്, ബെസ്റ്റ് ആക്ടർ, ലയൺ, പയ്യൻസ്, സ്പാനിഷ് മസാല തുടങ്ങിയ ചിത്രങ്ങളുടെ നിർമാതാവുകൂടിയാണ് അദ്ദേഹം.
