ശബരിമല തീർഥാടകർ സഞ്ചരിച്ച ബസ് കൊക്കയിലേക്ക് മറിഞ്ഞു. നിലയ്ക്കലിന് സമീപം ഇളവുങ്കലിലാണ് അപകടം. ഇലവുങ്കൽ-എരുമേലി റോഡിൽ ചൊവ്വാഴ്ച ഉച്ചയ്ക്ക് 1.15-ഓടെയാണ് ബസ് നിയന്ത്രണംവിട്ട് കൊക്കയിലേക്ക് മറിഞ്ഞത്. ശബരിമല ദർശനം കഴിഞ്ഞ് മടങ്ങുകയായിരുന്ന 64 തീർഥാടകരാണ് ബസിലുണ്ടായിരുന്നത്. ഇവർ തമിഴ്നാട്ടിലെ തഞ്ചാവൂരിൽ നിന്നുള്ളവരാണെന്നാണ് വിവരം.
അപകടവിവരമറിഞ്ഞ് നാട്ടുകാരും പമ്പ നിലയ്ക്കൽ എന്നിവിടങ്ങളിൽ നിന്നുള്ള പോലീസും അഗ്നിരക്ഷാസേനയും സ്ഥലത്തെത്തി രക്ഷാപ്രവർത്തനം നടത്തി.ബസ്സിലുണ്ടായിരുന്ന യാത്രക്കാരെയെല്ലാം പുറത്തെടുത്തെന്നാണ് വിവരം.പരുക്കേറ്റവരെ ആംബുലൻസുകളിലും മറ്റു വാഹനങ്ങളിലുമായി ആശുപത്രിയിലേക്ക് മാറ്റി. ഇതിൽ മൂന്നുപേരുടെ പരിക്ക് സാരമുള്ളതാണെന്നാണ് വിവരം. ഡ്രൈവറെ കോട്ടയം മെഡിക്കൽ കോളേജിലേക്ക് മാറ്റി. നില അതീവ ഗുരുതരം
GNN NEWS IRELAND നിന്നുള്ള പ്രധാന വാര്ത്തകളും, ബ്രേക്കിംഗ് ന്യൂസുകളും വാട്സാപ്പില് ലഭിക്കുവാന് താഴെയുള്ള ലിങ്കില് ക്ലിക്ക് ചെയ്ത് ജോയിന് ചെയ്യുക.
https://chat.whatsapp.com/KXg5ATjfgOo56Mw3BJd38f