ന്യൂഡല്‍ഹി: കര്‍ഷക സമരം ഇനിയും തീരുമാനമാകാതെ നില്‍ക്കുന്ന സാഹചര്യത്തില്‍ സര്‍ക്കാരും കര്‍ഷകരും തമ്മിലുള്ള പതിനൊന്നാം വട്ട ചര്‍ച്ചയും പ്രത്യേകിച്ച് തീരുമാനമൊന്നും ആകാതെ പിരിഞ്ഞതിന്റെ പശ്ചാത്തലത്തില്‍ ജനുവരി 26 ന് നടത്താനിരുന്ന കര്‍ഷക ട്രാക്ടര്‍ റാലിക്ക് ഡല്‍ഹി പോലീസ് അനുമതി നല്‍കിയെന്ന് കര്‍ഷക നേതാക്കള്‍ പ്രസ്താവിച്ചു.
ഘാസിപൂര്‍, സിംഘു, ട്രികി അതിര്‍ത്തികളില്‍ നിന്നാവും ട്രാക്ടര്‍ റാലി ആരംഭിക്കുക. എന്നാല്‍ കൃത്യമായി ഇതെക്കുറിച്ച് തീരുമാനിച്ചിട്ടില്ലെന്നും ശനിയാഴ്ച രാത്രിയോടെ തീരുമാനങ്ങള്‍ മീറ്റീങില്‍ തീരുമാനിക്കുമെന്നും കര്‍ഷക നേതാക്കള്‍ പ്രഖ്യാപിച്ചു. കര്‍ഷക സംഘടകളും പോലീസും തമ്മില്‍ നടന്ന ചര്‍ച്ചയ്ക്ക് ശേഷം കര്‍ഷക സംഘടനാ നേതാവ് അഭിമന്യൂ കോഹര്‍ പ്രസ്താവിച്ചു.
ആയിരക്കണക്കിന് കര്‍ഷകര്‍ ട്രാക്ടര്‍ റാലിയില്‍ പങ്കു ചേരുമെന്ന് മറ്റൊരു കര്‍ഷക നേതാവായ ഗുര്‍നാം സിങ് ചദുനി പ്രഖ്യാപിച്ചു. ഇതിനയുള്ള സന്നാഹങ്ങള്‍ ചെയ്തു കഴിഞ്ഞുവെന്നും അദ്ദേഹം പ്രസ്താവിച്ചു.
