തൃശ്ശൂർ: സുഹൃത്ത് പീഡനത്തിന് ഇരയായെന്ന ഒളിമ്പ്യന് മയൂഖാ ജോണിയുടെ പരാതിയ്ക്ക് ആസ്പദമായ സംഭവങ്ങൾ 2016-ല് നടന്ന സംഭവമായതിനാല് ശാസ്ത്രീയ തെളിവുകളില്ലെന്നും സാഹചര്യത്തെളിവു വെച്ചാണ് കേസ് അന്വേഷിക്കുന്നതെന്നും പോലീസ്. ഇതു സംബന്ധിച്ച റിപ്പോര്ട്ട് പോലീസ് ഹൈക്കോടതിയില് സമര്പ്പിച്ചു. അന്വേഷണം ശരിയായ ദിശയില് അല്ലെന്ന് കാണിച്ച് പീഡനത്തിന് ഇരയായ പെണ്കുട്ടി തന്നെ ഹൈക്കോടതിയില് പരാതി നല്കിയിരുന്നു. ഇതിനു പിന്നാലെയാണ് അന്വേഷണ റിപ്പോര്ട്ട് എസ്.പി. പൂങ്കുഴലി ഹൈക്കോടതിയില് സമര്പ്പിച്ചത്.
2016-ലാണ് പരാതിക്ക് ആസ്പദമായ സംഭവം നടക്കുന്നത്. പ്രതി പെണ്കുട്ടിയെ ബലാത്സംഗം ചെയ്യുകയും നഗ്നചിത്രങ്ങള് എടുത്തുവെന്നുമാണ് പരാതി. പരാതിയില് അന്വേഷണം മുന്നോട്ടു പോകുന്നില്ലെന്നും ഒതുക്കിത്തീര്ക്കാന് ശ്രമം നടക്കുന്നതായും മയൂഖാ ജോണി ആരോപിച്ചിരുന്നു. ഇതിനു പിന്നാലെയാണ് പീഡനത്തിന് ഇരയായ പെണ്കുട്ടി, അന്വേഷണം ശരിയായ ദിശയിലല്ലെന്ന് കാണിച്ച് ഹൈക്കോടതിയില് പരാതി നല്കിയത്
അഞ്ചുവര്ഷം മുന്പത്തെ ടവര് ലൊക്കേഷനോ ഫോണുമായി ബന്ധപ്പെട്ട സാങ്കേതിക വിവരങ്ങളോ ഇപ്പോള് ലഭ്യമല്ല. ആ സാഹചര്യത്തില് പരാതി ശാസ്ത്രീയമായി തെളിയിക്കാനാവില്ലെന്ന് പോലീസ് റിപ്പോര്ട്ടില് പരാമർശിച്ചു.