ടോക്യോ: ഒളിമ്പിക് വില്ലേജില് ആദ്യ കോവിഡ് കേസ് റിപ്പോർട്ട് ചെയ്തു. ഗെയിംസിന്റെ സംഘാടനവുമായി ബന്ധപ്പെട്ട് വിദേശത്ത് നിന്ന് എത്തിയ ഒഫീഷ്യലിനാണ് മത്സരങ്ങള് തുടങ്ങുന്നതിന് മുമ്പായി നടത്തിയ പരിശോധനയിൽ കോവിഡ് സ്ഥിരീകരിച്ചതെന്ന് ടോക്യോ ഒളിമ്പിക് സി.ഇ.ഒ തോഷിറോ മൂട്ടോ വ്യക്തമാക്കി.
ഈ ഒഫീഷ്യലിനെ ഗെയിംസ് വില്ലേജില് നിന്ന് ഹോട്ടലിലേക്ക് മാറ്റി. എന്നാല് ഒഫീഷ്യല് ആരാണെന്നും ഏതു രാജ്യത്ത് നിന്നുള്ള വ്യക്തിയാണെന്നും അധികൃതര് വെളിപ്പെടുത്തിയിട്ടില്ല.
ജൂലൈ 23-ന് തുടങ്ങുന്ന ഒളിമ്പിക്സിനായി അത്ലറ്റുകള് ഗെയിംസ് വില്ലേജില് വന്നു തുടങ്ങിയിട്ടുണ്ട്. ഓഗസ്റ്റ് എട്ടിനാണ് ഒളിമ്പിക്സ് സമാപിക്കുക. 2020-ല് തുടങ്ങേണ്ടിയിരുന്ന ഒളിമ്പിക്സ് കോവിഡ് വ്യാപനത്തെ തുടര്ന്ന് ഒരു വര്ഷത്തേക്ക് നീട്ടിവെയ്ക്കുകയായിരുന്നു.