സംസ്ഥാനം അതിതീവ്ര രോഗവ്യാപനത്തിന്റെ ഘട്ടത്തിലായതിനാല് സംസ്ഥാനത്ത് രണ്ടാഴ്ചത്തേക്ക് ലോക്ക്ഡൗണ് പ്രഖ്യാപിക്കണമെന്നും കൊവിഡ് പ്രതിരോധത്തിന് കൂടുതല് ആരോഗ്യപ്രവര്ത്തകരെ സജ്ജരാക്കണമെന്നും കെജിഎംഒഎ.
സംസ്ഥാനത്തെ സാഹചര്യം അതീവ ഗുരുതരമാണെന്നും അതിനാല് രോഗവ്യാപനം നിയന്ത്രിക്കാന് രണ്ടാഴ്ച ലോക്ക്ഡൗണ് നടപ്പിലാക്കണമെന്നും ചീഫ് സെക്രട്ടറിക്ക് എഴുതിയ കത്തിൽ സര്ക്കാര് ഡോക്ടര്മാരുടെ സംഘടനയായ കെജിഎംഒഎ (KGMOA) ആവശ്യപ്പെട്ടിരിക്കുന്നു.
വായുവിലൂടെ തന്നെ വൈറസ് (Virus) വ്യാപിക്കുമെന്ന് പഠനങ്ങള് കാണിക്കുന്നതിനാൽ പൊതുഇടങ്ങളില് ആളുകള് എത്തുന്നത് ഒഴിവാക്കണമെന്നും അവര് വീടുകളില് തന്നെ ഇരിക്കുന്നുവെന്ന് ഉറപ്പാക്കണമെന്നും കെജിഎംഒഎ നിർദ്ദേശിച്ചു. സംസ്ഥാനത്ത് നിലവിൽ ടെസ്റ്റ് പോസിറ്റിവിറ്റി നിരക്ക് 25 ശതമാനം കടന്നിരിക്കുകയാണ്.