Athy നിവാസികളായ മലയാളി ദമ്പതികളുടെ മകൻ നാട്ടിൽ വീട്ടുമുറ്റത്ത് കളിച്ചു കൊണ്ടിരുന്ന സ്വിമ്മിങ് പൂളില്‍ വീണു മരിച്ചു. കൊടുമൺ ഇടത്തിട്ട കോട്ടപ്പുറത്ത് ലിജോ ജോയിയുടെയും ലീനയുടെയും രണ്ടു വയസുകാരനായ മകന്‍ ജോര്‍ജ് സക്കറിയ ആണ് മരിച്ചത്. ശനി രാവിലെ 10 മണിയോടെയാണ് സംഭവം. മുറ്റത്ത് കളിച്ചു കൊണ്ടിരിക്കവെയാണ് വീടിനോട് ചേര്‍ന്ന സ്വിമ്മിങ് പൂളില്‍ വീണത്.
പുതിയ വീടിന്റെ പാലുകാച്ച് ചടങ്ങുമായി ബന്ധപ്പെട്ട് കഴിഞ്ഞ മാസം 21 നാണ് അയര്‍ലണ്ടില്‍ നിന്നും ലിജോ ജോയി കുടുംബസമേതം നാട്ടില്‍ എത്തിയത്. ജോര്‍ജ് സക്കറിയയുടെ മാമോദീസ കഴിഞ്ഞ ആറിനായിരുന്നു. ചടങ്ങുകള്‍ കഴിഞ്ഞ് 19 ന് തിരികെ അയര്‍ലന്‍ഡിലേക്ക് പോകാനിരിക്കെയാണ് ദുരന്തം. സംസ്കാരം ഞായറാഴ്ച മൂന്നിന് ചന്ദനപ്പള്ളി സെന്റ് ജോര്‍ജ് ഓര്‍ത്തഡോക്‌സ് വലിയ പള്ളിയില്‍. സഹോദരങ്ങള്‍: ജോണ്‍ സ്‌കറിയ, ഡേവിഡ് സ്‌കറിയ.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.
https://chat.whatsapp.com/Fvb5dzrOEnRCV2ReS4R7Gb
