INMO നാഷണൽ എക്സിക്യൂട്ടീവ് കൗൺസിലേക്കുള്ള തെരഞ്ഞെടുപ്പിൽ മിന്നും ജയവുമായി MNI സ്ഥാനാർഥികൾ. നിലവിലെ കൗൺസിൽ അംഗങ്ങളായ വർഗീസ് ജോയ്, ത്രേസ്യ ദേവസ്സി എന്നിവർ വീണ്ടും അംഗങ്ങളായി. മാനേജ്മെന്റ് കാറ്റഗറിയിലാണ് ഇരുവരും മത്സരിച്ചത്. മലയാളികൾ ഉൾപ്പെടെയുള്ള നഴ്സിംഗ് സമൂഹത്തിന്റെ ഉന്നമനത്തിനും, അവകാശ സംരക്ഷണത്തിനുമായുള്ള പ്രവർത്തനങ്ങൾ തുടരമെന്ന് ഇരുവരും പറഞ്ഞു. INMO National Executive Council 2026-28 ലേക്ക് തെരഞ്ഞെടുക്കപ്പെട്ട ഇന്ത്യൻ അംഗങ്ങൾ ഇവർ മാത്രമാണ്.
Join GNN24X7 IRELAND Whatsapp Group 🔗https://chat.whatsapp.com/DMcx9ffd8nI5hZfAUsl96s?mode=hqrt3
അയർലണ്ടിലെ കുടിയേറ്റ നേഴ്സുമാരുടെയും ഹെൽത്ത് കെയർ അസിസ്റ്റന്റ് മാരുടെയും ഉന്നമനത്തിന് അഹോരാത്രം പരിശ്രമിക്കുന്ന MNIയുടെ സ്ഥാനാർത്ഥികളുടെ ഈ വിജയം ഏറെ പ്രതീക്ഷയാണ് ആരോഗ്യ മേഖലയിലെ തൊഴിലാളികൾക്ക് ഉണ്ടായിരിക്കുന്നത്. നഴ്സുമാർക്കുള്ള ക്രിട്ടിക്കൽ സ്കിൽസ് എംപ്ലോയ്മെന്റ് പെർമിറ്റുകളുടെ പ്രോസസ്സിംഗിലെ കാലതാമസവും നിരസിക്കലും സംബന്ധിച്ച പ്രശ്നങ്ങൾ ഉൾപ്പെടെ നിരവധി പ്രശ്നങ്ങളിൽ MNI യുടെ ശക്തമായ ഇടപെടൽ അയർലണ്ട് കണ്ടതാണ്. അടിസ്ഥാന ശമ്പള വർദ്ധനവ്, ഫാമിലി റീ യുണിഫിക്കേഷൻ, വിസ തട്ടിപ്പ് തുടങ്ങി നേഴ്സുമാരും ഹെൽത്ത് കെയർ അസിസ്റ്റന്റ്മാരും നേരിടുന്ന പ്രശ്നങ്ങൾക്ക് പരിഹാരം തേടിയുള്ള MNI യുടെ പ്രവർത്തനങ്ങൾ ഭൂരിഭാഗവും ഫലം കണ്ടു.
MNIയുടെ പ്രതിനിധികൾ വീണ്ടും തിരഞ്ഞെടുക്കപ്പെട്ടത്തിൽ അയർലണ്ടിലെ നഴ്സിംഗ് സമൂഹം ഏറെ ശുഭ പ്രതീക്ഷയിലാണ്. ഡബ്ലിനിലെ ചെറി ഓർച്ചാർഡ് ഹോസ്പിറ്റലിലെ അസിസ്റ്റന്റ് ഡയറക്ടർ ഓഫ് നഴ്സിംഗ് ആണ് വർഗ്ഗീസ് ജോയ്. അയർലണ്ടിൽ കഴിഞ്ഞ 19 വർഷക്കാലമായി നഴ്സിംഗ് മേഖലയിൽ സേവനമനുഷ്ഠിക്കുകയാണ് വർഗ്ഗീസ് ജോയ്. മേറ്റർ മിസെറിക്കോർഡിയ യൂണിവേഴ്സിറ്റി ഹോസ്പിറ്റലിലെ അസിസ്റ്റന്റ് ഡയറക്ടർ ഓഫ് നഴ്സിംഗ് ഇൻഫെക്ഷൻ പ്രിവൻഷൻ ആൻഡ് കൺട്രോൾ, ആണ് ത്രേസ്യ ദേവസ്സി. 2005 മുതൽ ഞാൻ INMO അംഗമാണ്. ഇരുവരും നിലവിൽ എക്സിക്യൂട്ടീവ് കൗൺസിലിൽ അംഗമാണ്.
