ലണ്ടൻ: കോവിഡ് ബാധിച്ച് ബ്രിട്ടനിൽ ഒരു മലയാളി കൂടി മരിച്ചു. പ്രിസ്റ്റണിൽ താമസിക്കുന്ന സണ്ണി ജോൺ (68) ആണ് ഇന്നലെ രാത്രി മരിച്ചത്. രണ്ടാഴ്ചയിലേറെയായി ചികിൽസയിലായിരുന്നു. പ്രിസ്റ്റണിലെ കെയർഹോമിലായിരുന്നു ജോലി. സംസ്കാരം പിന്നീട് ബ്രിട്ടനിൽ നടത്തും. കൂത്താട്ടുകുളം സ്വദേശയായ സണ്ണി ജോൺ അടുത്തിടെ പിറവത്തേക്ക് താമസം മാറ്റിയിരുന്നു. ഭാര്യ എൽസി, നെൽസൺ (മാഞ്ചസ്റ്റർ) ഡിക്സൺ (ഇംപീരിയൽ കോളജ് ലണ്ടൻ) എന്നിവർ മക്കളാണ്.
കോവിഡ് ബാധിച്ച് ബ്രിട്ടനിൽ മരിക്കുന്ന പതിനൊന്നാമത്തെ മലയാളിയാണ് സണ്ണി ജോൺ. യൂറോപ്പിൽ അയർലൻഡ്, ഇറ്റലി, ജർമനി എന്നിവിടങ്ങളിലും ഓരോ മലയാളികൾ കോവിഡ് ബാധിച്ച് മരിച്ചിരുന്നു.
