തിരുവനന്തപുരം: കേരളത്തില് ഇന്ന് പ്രതിദിന കണക്കുകളില് ഏറ്റവും ഉയര്ന്ന നിരക്ക്.ഇന്ന് മാത്രം ഏതാണ്ട് 6324 പേര്ക്ക് കോവിഡ്. കോഴിക്കോട് ഇന്ന് മാത്രം 883. കോവിഡ് നിരക്കുകള് കേരളത്തില് കഴിഞ്ഞ ഒരാഴ്ചയില് ക്രമാതീതമായി വര്ദ്ധിക്കുന്നത് ആശങ്ക പടര്ത്തി. ഇന്ന് മാത്രം ഉറവിടം അറിയാത്ത 628 പേര് ഉണ്ട്. ഇന്ന് മാത്രം ഏതാണ്ട് 105 ആരോഗ്യ പ്രവര്ത്തകര്ക്ക് രോഗം സ്ഥിരീകരിച്ചു.
എന്നും കോവിഡ് രോഗികളില് മുന്നിലായിരുന്നു തിരുവനന്തപുരത്തിനെ മറികടന്ന് കോഴിക്കോട് ഏറ്റവും കൂടുതല് രോഗികളുള്ള ജില്ലയായി മാറി. കോഴിക്കോട് 883, തിരുവനന്തപുരം 875, മലപ്പുറം 763, എറണാകുളം 590, തൃശൂര് 474, ആലപ്പുഴ 453, കൊല്ലം 440, കണ്ണൂര് 406, പാലക്കാട് 353, കോട്ടയം 341, കാസര്കോട് 300, പത്തനംതിട്ട 189, ഇടുക്കി 151, വയനാട് 106 എന്നിങ്ങനെയാണ് ജില്ലതിരിച്ചുള്ള കണക്കുകള്. ഇന്ന് മാത്രം 21 പേര് മരിച്ചു.
ഇന്ന് രോഗം സ്ഥിരീകരിച്ചവരില് 44 പേര് വിദേശ രാജ്യങ്ങളില് നിന്നും 226 പേര് മറ്റ് സംസ്ഥാനങ്ങളില് നിന്നും വന്നതാണ്. 5321 പേര്ക്ക് സമ്പര്ക്കത്തിലൂടെ രോഗം ബാധിച്ചു. 628 പേരുടെ സമ്പര്ക്ക ഉറവിടം അറിയില്ല.
