വാട്ടർഫോർഡ്: പ്രവാസി മലയാളികൾക്കായി കേരള സർക്കാരിന്റെ ഭാഗമായുള്ള മലയാളം മിഷന്റെ സഹകരണത്തോടുകൂടി നടത്തിവരുന്ന മലയാള ഭാഷ സംസ്കാര പഠന പദ്ധതിയായ “എന്റെ മലയാളം” വാട്ടർഫോർഡിൽ ഫൺഡേ സംഘടിപ്പിച്ചു. രണ്ടാം ക്ലാസ് മുതൽ ജൂനിയർ സെർട്ട് വരെയുള്ള എഴുപതോളം കുട്ടികൾ പരിപാടിയിൽ പങ്കെടുത്തു. പ്രവേശനം തികച്ചും സൗജന്യമായിരുന്നു.
വാട്ടർഫോർഡിലെ Farronshoneen youth and community center-ൽ വെച്ച് സംഘടിപ്പിച്ച പരിപാടിയിൽ പ്രമുഖ മജീഷ്യൻ ഗ്രഹാം ഹോർഗൻ അവതരിപ്പിച്ച മാജിക് പരിപാടിയും, വിവിധ പ്രായപരിധിയിലുള്ള കുട്ടികൾക്കായി വ്യത്യസ്തങ്ങളായ മത്സരങ്ങളും സംഘടിപ്പിച്ചു.
വിജയികൾക്ക് എൻ്റെ മലയാളത്തിന്റെ അധ്യാപകർ സമ്മാനങ്ങൾ നൽകി.
വാട്ടർഫോർഡ് മലയാളി അസോസിയേഷന്റെ സഹകരണത്തോടെ കഴിഞ്ഞ ഏഴു വർഷക്കാലമായി എന്റെ മലയാളം വാട്ടർഫോഡിൽ സജീവമായി പ്രവർത്തിക്കുന്നു. ലഘുഭക്ഷണങ്ങളോടുകൂടി ഫൺേഡേ അവസാനിച്ചു.
പങ്കെടുത്ത കുട്ടികൾക്കും പിന്തുണ നൽകിയ മാതാപിതാക്കൾക്കും വോളണ്ടിയേഴ്സിനും എന്റെ മലയാളം നന്ദി അറിയിച്ചു.
GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക
Follow this link to join our WhatsApp group: https://chat.whatsapp.com/BhPDTny97p6JYunSO4wSHL
