പ്ലാനോ (ഡാളസ്): പ്ലാക് ജാക്ക് കാര്ട്ടര് പാര്ക്കിനു സമീപം പതിനെട്ടുകാരായ ജാക് റസ്ക് വെടിയേറ്റ് മരിച്ച കേസില് പതിനെട്ട് വയസുള്ള രണ്ട് ചെറുപ്പക്കാരെ അറസ്റ്റ് ചെയ്തതായി പ്ലാനോ പോലീസ് അറിയിച്ചു. ഇവരെ പിന്നീട് കോളിന് കൗണ്ടി ഡിറ്റന്ഷന് സെന്ററിലേക്ക് മാറ്റി. രുദ്ര റോണക് കുമാര് പട്ടേല്, അബ്ദുള് റഹ്മാന് അല് ദുലൈമി എന്നിവരാണ് അറസ്റ്റിലായത്.
ഒക്ടോബര് മൂന്നിന് ശനിയാഴ്ചയായിരുന്നു സംഭവം. പ്രതികളും കൊല്ലപ്പെട്ട ജേക്കബും പരസ്പരം പരിചയക്കാരായിരുന്നുവെന്നും, പ്രതികള് ജേക്കബിനെ തന്നെ ലക്ഷ്യമിട്ടാണ് വെടിയുതിര്ത്തതെന്നും പോലീസ് പറഞ്ഞു. വെടിവെയ്പ് നടക്കുന്നുവെന്ന വിവരം ലഭിച്ചതിനെ തുടര്ന്നാണ് പോലീസ് പാര്ക്കില് എത്തിയത്. ഇതിനിടയില് വെടിയേറ്റ യുവാവിനെ ആശുപത്രിയില് എത്തിച്ചിരുന്നു. അധികം താമസിയാതെ ജേക്കബ് മരിച്ചു.
പ്ലാനോയില് നിന്നുള്ള ജേക്കബിനെ വെടിവെച്ച് കൊലപ്പെടുത്തുന്നതിന് പ്രേരകമായതെന്താണെന്ന് പോലീസ് അന്വേഷിച്ചുവരുന്നു. പ്രതികള്ക്ക് ഒരു മില്യന് ഡോളറിന്റെ ജാമ്യം അനുവദിച്ചിട്ടുണ്ട്. സംഭവത്തെക്കുറിച്ച് വിവരം ലഭിക്കുന്നവര് പ്ലാനോ പോലീസ് ഡിപ്പാര്ട്ട്മെന്റില് അറിയിക്കണമെന്നും അറിയിപ്പില് പറയുന്നു.