ന്യൂഡല്‍ഹി: ഇന്ത്യയുടെ തലസ്ഥാനമായ ഡല്‍ഹിയില്‍ മാസങ്ങളായി നീണ്ടു നിന്നിരുന്ന കര്‍ഷക സമരങ്ങള്‍ക്ക് താല്‍ക്കാലികമായി ഒരു തീരുമാനം ഇനിയും വന്നില്ല. പത്താം തവണ നടത്തിയ ചര്‍ച്ചകളും പരാജയമായി. കാര്‍ഷിക നിയമങ്ങള്‍ ഒന്നരവര്‍ഷമായി മരവിപ്പിക്കാന്‍ സര്‍ക്കാര്‍ തയ്യാറാണെന്നും സത്യവാങ്മൂലത്തില്‍ ഇത് സുപ്രീംകോടതിയെ അറിയിക്കുമെന്നും എന്‍ഡിടിവി റിപ്പോര്‍ട്ട് ചെയ്തു.
തീരുമാനത്തെ കാര്‍ഷിക കര്‍ഷക യൂണിയനുകള്‍ നിര്‍ദ്ദേശം പരിഗണിക്കുമെന്ന് വൃത്തങ്ങള്‍ അറിയിച്ചു.
രണ്ട് ആഴ്ച നീണ്ടുനില്‍ക്കുമെന്ന് പ്രതീക്ഷിക്കുന്ന കാര്‍ഷിക നിയമങ്ങള്‍ മരവിപ്പിക്കാന്‍ സുപ്രീംകോടതി കഴിഞ്ഞ ആഴ്ച ഒരു ഹിയറിംഗിന് ഉത്തരവിട്ടിരുന്നു. നിയമം ഒറ്റയടിക്ക് തങ്ങള്‍ക്ക് പിന്‍വലിക്കാന്‍ കഴിയില്ലെന്നും അതിനു വേണമെങ്കില്‍ കര്‍ഷക സംഘടനകള്‍ക്ക് കോടതിയെ സമീപിക്കാമെന്നും കേന്ദ്ര സര്‍ക്കാര്‍ പ്രതിനിധികള്‍ വ്യക്തമാക്കി.
എന്നാല്‍ ഇക്കാര്യത്തില്‍ കര്‍ഷക സമരനേതാക്കളുടെ ഭാഗത്തു നിന്നും അനുകൂലമായ തീരുമാനങ്ങളോ ചര്‍ച്ചകളോ ഒന്നും ഉണ്ടായില്ല. സര്‍ക്കാര്‍ ഈ നിയമങ്ങള്‍ പിന്‍വലിക്കണമെന്നും പിന്നീട് ആവശ്യമെങ്കില്‍ മറ്റൊരു നിയമം കൊണ്ടാവരാമെന്നുമാണ് അവരുടെ ആവശ്യം.
