മുംബൈ∙ ആഡംബര കപ്പലിലെ ലഹരിവിരുന്ന് കേസിൽ ബോളിവുഡ് താരം ഷാറുഖ് ഖാന്റെ മകൻ ആര്യൻ ഖാന് ജാമ്യം ലഭിച്ചു. ബോംബെ ഹൈക്കോടതിയാണ് ജാമ്യം അനുവദിച്ചത്.
25 ദിവസത്തെ കസ്റ്റഡിക്കുശേഷമാണ് ആര്യൻ ഖാന് ജാമ്യം ലഭിക്കുന്നത്. ഒക്ടോബര് മൂന്നിനാണ് ആര്യനെ എന്സിബി കസ്റ്റഡിയിലെടുത്തത്. ഒക്ടോബര് എട്ട് മുതല് ആര്യന് മുംബൈയിലെ ആര്തര് റോഡ് ജയിലിലാണ്.
കേസിൽ കൂട്ടുപ്രതികളായ ആര്യന്റെ സുഹൃത്ത് അർബാസ് മെർച്ചന്റ്, മോഡൽ മുൺ മുൺ ധമേച്ഛ എന്നിവർക്കും ജാമ്യം ലഭിച്ചു.
