കറാച്ചി: പാകിസ്താനില്‍ കറാച്ചി വിമാനത്താവളത്തിന് സമീപം യാത്രാവിമാനം തകര്‍ന്നു വീണു. പാകിസ്താന്‍ ഇന്റര്‍നാഷണല്‍ എയര്‍ലൈന്‍സിന്റെ വിമാനമാണ് ലാന്റിഗിന് തൊട്ട് മുമ്പ് തകര്‍ന്നുവീണത്.
വിമാനത്തില്‍ 91 യാത്രക്കാരും 8 ജീവനക്കാരുമാണ് ഉണ്ടായിരുന്നുവെന്നാണ് പ്രാഥമിക റിപ്പോര്‍ട്ട്. ലാന്റ് ചെയ്യാന്‍ പോകുന്നതിന് 1 മിനിറ്റ് മുമ്പാണ് അപകടം നടന്നത്. വിമാനത്താവളത്തിന് തൊട്ട് അടുത്താണ് വിമാനം തകര്‍ന്നത്.
നിലവില്‍ ആര്‍ക്കെങ്കിലും ജീവഹാനി സംഭവിച്ചതായി ഔദ്യോഗികമായി റിപ്പോര്‍ട്ട് പുറത്തുവന്നിട്ടില്ല. ലാഹോറില്‍നിന്ന് കറാച്ചിയിലേക്ക് പോയ പി.കെ-8303 വിമാനമാണ് കറാച്ചി വിമാനത്താവളത്തിന് സമീപത്തെ ജനവാസ കേന്ദ്രത്തിന് സമീപം തകര്‍ന്നു വീണത്.
സമീപത്ത് കറുത്ത പുക നിറഞ്ഞതിനാല്‍ രക്ഷാപ്രവര്‍ത്തനം മന്ദഗതിയിലാണ്. കൂടുതല്‍ വിവരങ്ങള്‍ ലഭ്യമായിട്ടില്ല.
