ആലപ്പുഴ: മുഖ്യമന്ത്രി നേരിട്ട് ഇടപെട്ട് അദാനിയില്നിന്ന് വൈദ്യുതി വാങ്ങുന്നതിന് വൈദ്യുതി ബോര്ഡ് മറ്റൊരു കരാര് കൂടി കഴിഞ്ഞ മാസം ഉണ്ടാക്കിയെന്ന് പ്രതിപക്ഷ നേതാവ് രമേശ് ചെന്നിത്തല. അദാനിയെ മുഖ്യമന്ത്രി പരസ്യമായി എതിര്ക്കും എന്നാൽ രഹസ്യമായി പിന്തുണയ്ക്കുന്നുണ്ടെന്നും അദ്ദേഹം കൂട്ടിച്ചേർത്തു. അദാനിയില്നിന്ന് നേരിട്ട് വൈദ്യുതി വാങ്ങാനുള്ള തീരുമാനം രേഖപ്പെടുത്തിയിട്ടുണ്ടെന്നും ചെന്നിത്തല വാർത്താ സമ്മേളനത്തിൽ ചൂണ്ടിക്കാട്ടി.
ഇതുവരെ ഒരു കരാറും അദാനിയുമായി വൈദ്യുതി ബോര്ഡ് ഉണ്ടാക്കിയിട്ടില്ലെന്നാണ് മന്ത്രി എം.എം. മണിയുടെ വാദം. എന്നാൽ അത് കാര്യമാക്കുന്നില്ല. കരാർ മുഖ്യമന്ത്രിയുടേയും വൈദ്യുതി മന്ത്രിയുടേയും അറിവോടെ കൂടി തന്നെയാണെന്നാണ് രമേശ് ചെന്നിത്തല പറയുന്നത്.
ഈ കരാറിലൂടെ അഴിമതി നടത്താനുള്ള സര്ക്കാരിന്റെ വൈഭവമാണ് തെളിഞ്ഞു കാണുന്നത്. സംസ്ഥാനത്തെ ജനങ്ങുടെ പോക്കറ്റടിക്കാനുള്ള ഈ തീരുമാനത്തെ ഒരിക്കലും അംഗീകരിക്കാന് സാധിക്കില്ലെന്നും, കരാര് റദ്ദാക്കണമെന്നും ചെന്നിത്തല ആവശ്യപ്പെട്ടു.