കൊച്ചി: മുഖ്യമന്ത്രിയുടെ ദുരിതാശ്വാസനിധിയിലേക്ക് ഗുരുവായൂര് ദേവസ്വം നല്കിയ പത്ത് കോടി രൂപ തിരിച്ചു നല്കണമെന്ന് ഹൈക്കോടതി. ഗുരുവായൂര് ക്ഷേത്രത്തിലെ സ്വത്തുവകകളുടെ അവകാശി ഗുരുവായൂരപ്പനാണെന്നും, സ്വത്ത് ക്ഷേത്രാനുബന്ധ പ്രവര്ത്തനങ്ങള്ക്കല്ലാതെ മറ്റാവശ്യങ്ങള്ക്ക് ഉപയോഗിക്കുന്നത് ദേവസ്വം നിയമങ്ങള്ക്ക് വിരുദ്ധമാണെന്നും കോടതി വ്യക്തമാക്കി.
ഹൈക്കോടതി മൂന്നംഗ ബെഞ്ചിന്റേതാണ് വിധി. ട്രസ്റ്റി എന്ന നിലയില് സ്വത്തുവകകള് പരിപാലിക്കാന് മാത്രമേ ദേവസ്വം ബോര്ഡിന് അവകാശമുള്ളെന്നും ദേവസ്വം നിയമത്തിന് പരിധിക്കുള്ളില് നിന്നു മാത്രമേ ഭരണസമിതിക്ക് പ്രവര്ത്തിക്കാനാകൂ എന്നും കോടതി പറഞ്ഞു.
പ്രളയകാലത്തും കൊവിഡ് കാലത്തുമായി രണ്ട് തവണയായിട്ടാണ് ഗുരുവായൂര് ദേവസ്വം മുഖ്യമന്ത്രിയുടെ ദുരിതാശ്വാസ നിധിയിലേക്ക് പത്ത്കോടി രൂപ നല്കിയത്. ദുരിതാശ്വാസ നിധിയിലേക്ക് സംഭാവന ചെയ്യുന്നതുള്പ്പടെയുള്ള കാര്യങ്ങള് ദേവസ്വം ബോര്ഡിന്റെ പ്രവര്ത്തനപരിധിയിലോ, അധികാരപരിധിയിലോ വരില്ല എന്നും കോടതി വ്യക്തമാക്കി.