gnn24x7

അഴിമതി ചോദ്യംചെയ്തു: കോട്ടയം നഗരസഭയിൽ വിവരാവകാശ പ്രവർത്തകന് ക്രൂര മർദ്ദനം

0
218
gnn24x7

കോട്ടയം: അഴിമതി ചോദ്യം ചെയ്ത വിവരാവകാശപ്രവർത്തകന് മര്‍ദ്ദനം. വിവരാവകാശ പ്രവർത്തകനായ മഹേഷ് വിജയനാണ് കോട്ടയം നഗരസഭ കാര്യാലയത്തിൽ വെച്ച് ക്രൂര മർദ്ദനമേറ്റത്. വിവരാവകാശനിയമ പ്രകാരം നൽകിയ ചോദ്യങ്ങൾക്ക് വിശദീകരണം  ആവശ്യപ്പെടുന്നതിനിടെയാണ് അക്രമം.

കഴിഞ്ഞ ദിവസം വൈകിട്ടോടെയായിരുന്നു സംഭവം. നഗരസഭക്ക് കീഴിൽ നിരവധി അനധികൃത നിർമ്മാണങ്ങളും മണ്ണെടുപ്പും  നടക്കുന്നതായി പരാതിയുയർന്നിരുന്നു. മണ്ണെടുപ്പുമായി ബന്ധപ്പെട്ട്  വിവരാവകാശ നിയമ പ്രകാരം നൽകിയ കത്തിന് മറുപടി തേടി നഗരസഭയിൽ എത്തിയതായിരുന്നു മഹേഷ്. അസിസ്റ്റന്റ് എഞ്ചിനിയറോട് വിശദാംശങ്ങൾ തിരക്കി മടങ്ങുന്നതിനിടെയാണ് അക്രമമുണ്ടായത്.

നഗരസഭയിലെ  കരാർ എടുക്കുന്ന കോൺട്രാക്ടർമാരാണ് മർദ്ദിച്ചതെന്ന് മഹേഷ് പറഞ്ഞു. ഇയാളുടെ പരാതിയുടെ അടിസ്ഥാനത്തിൽ കോട്ടയം വെസ്റ്റ് പൊലീസ് കേസെടുത്ത് അന്വേഷണം ആരംഭിച്ചു.

gnn24x7

LEAVE A REPLY

Please enter your comment!
Please enter your name here