ദുബായ്: റൺവേ നവീകരണത്തിനായി ഈമാസം 9 മുതൽ അടുത്തമാസം 22 വരെ ദുബായ് രാജ്യാന്തര വിമാനത്താവളം ഭാഗികമായി അടയ്ക്കുമ്പോൾ ആഴ്ചയിൽ ആയിരത്തോളം വിമാനങ്ങൾ ജബൽഅലി അൽ മക്തൂം വിമാനത്താവളത്തിലേക്ക് (ദുബായ് വേൾഡ് സെൻട്രൽ) തിരിച്ചുവിടും. ചിലത് ഷാർജ വിമാനത്താവളങ്ങളിലേക്കു മാറിയേക്കും.
ഈ 45 ദിവസങ്ങളിൽ 2 വിമാനത്താവളങ്ങളിൽനിന്നും സർവീസ് നടത്തുമെന്ന് എയർ ഇന്ത്യയും എയർ ഇന്ത്യ എക്സ്പ്രസും അറിയിച്ചു. കൊച്ചി, കോഴിക്കോട്, ചെന്നൈ, ഹൈദരാബാദ്, മുംബൈ, ഡൽഹി, ലക്നൗ, അഹമ്മദാബാദ് സർവീസുകൾ അൽ മക്തൂമിലേക്കു മാറുമെന്നു ഫ്ലൈ ദുബായ് അറിയിച്ചിരുന്നു.