കുവൈറ്റ് സിറ്റി: COVID-19 കേസുകളും മരണങ്ങളും വർദ്ധിക്കുകയും ചെയ്യുന്ന ഈ സാഹചര്യത്തിൽ നിരവധി നിയന്ത്രണങ്ങൾ വീണ്ടും നടപ്പാക്കുമെന്ന ആശങ്കയിലാണ് ജനങ്ങൾ. ഓഗസ്റ്റ് 1 മുതൽ പ്രവാസികൾക്ക് രാജ്യത്തേക്ക് പ്രവേശിക്കാനുള്ള അനുമതി നല്‍കുമെന്ന് കുവൈറ്റ് അറിയിച്ചിരിക്കുകയാണ്.
ഏഴു മാസമായി തുടരുന്ന വിദേശ സര്‍വീസുകള്‍ക്കുള്ള വിലക്കാണ് ഓഗസ്റ്റ് 1 മുതൽ നീക്കാൻ കുവൈറ്റ് ഭരണകൂടം തീരുമാനിച്ചിരിക്കുന്നത്. രണ്ട് ഡോസുകളായ ഫൈസർ-ബയോ‌ടെക്, ഓക്സ്ഫോർഡ്-അസ്ട്രാസെനെക്ക അല്ലെങ്കിൽ മോഡേണ വാക്സിൻ അല്ലെങ്കിൽ ജോൺസൻ, ജോൺസൺ വാക്സിൻ ഒരു ഡോസ് സ്വീകരിച്ച പ്രവാസികൾക്കും രാജ്യത്ത് പ്രവേശിക്കാൻ കഴിയും. അവർക്ക് സാധുവായ റെസിഡൻസി പെർമിറ്റും ആവശ്യമാണ്.
പലരും മാസങ്ങളായി കുവൈത്തിന് പുറത്ത് കുടുങ്ങിക്കിടക്കുന്നതിനാൽ പല പ്രവാസികളും നിരോധനത്തിന്റെ അവസാനത്തിനായി കാത്തിരിക്കുകയാണ്.
