പ്രവാസികൾക്ക് ഏറെ ആശ്വാസമാകുന്ന പ്രഖ്യാപനവുമായി ഒമാൻ ദേശീയ ബജറ്റ് എയർലൈൻ ആയ സലാം എയർ. മസ്കത്തിൽ നിന്നും കോഴിക്കോട്, തിരുവനന്തപുരം, ജയ്പൂർ, ലഖ്നൗ, ഹൈദരാബാദ് സെക്ടറുകളിൽ ഉടൻ സർവീസ് പുനരാരംഭിക്കുമെന്ന് കമ്പനി അറിയിച്ചു. സിവിൽ എവിയേഷൻ അതോറിറ്റിയിൽ നിന്നും സർവീസുകൾക്ക് അനുമതി ലഭിച്ചതായും തീയതികൾ ഉടൻ പ്രഖ്യാപിക്കുമെന്നും കമ്പനി വ്യക്തമാക്കി.
ഒമാൻ എയറുമായി സഹകരിച്ച് ഇന്ത്യൻ സെക്ടറുകളിലേക്ക് സർവീസുകൾ വ്യാപിപ്പിക്കുന്നതിന് അനുമതി നൽകിയ സിവിൽ എവിയേഷൻ അതോറിറ്റിക്ക് നന്ദി അറിയിക്കുന്നതായും സലാം എയർ ചെയർമാൻ ഡോ. അൻവർ മുഹമ്മദ് റവാസ് അറിയിച്ചു. സലാം എയർ സർവീസുകൾ വ്യാപിപ്പിക്കുകയും യാത്രക്കാർക്ക് മികച്ച അനുഭവങ്ങൾ സമ്മാനിക്കുകയാണ് കമ്പനി ലക്ഷ്യം വയ്ക്കുന്നതെന്നും ഡോ. അൻവർ മുഹമ്മദ് വാസ് പറഞ്ഞു.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S,
GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.
https://chat.whatsapp.com/Fvb5dzrOEnRCV2ReS4R7Gb
