സൂസൻ മഗ്വെയർ എന്ന ഐറിഷ് യുവതി ടാക്സിയിൽ വച്ച് ഒരു കുഞ്ഞിന് ജന്മം നൽകി. 28 ആഴ്‌ച ഗർഭിണിയായ സൂസൻ മഗ്വെയർ അവധിക്കാലമാഘോഷിക്കാൻ തന്റെ ബാഗുകൾ ലാൻസറോട്ട് ദ്വീപിലേക്ക് പാക്ക് ചെയ്തപ്പോൾ ബേബി ഡെയറിന് ജന്മം നൽകുമെന്ന പ്രതീക്ഷിച്ചിരുന്നില്ല.
2022 ജനുവരി 28നാണ് പ്രസവം നടക്കുമെന്ന് വിധിയെഴുതിയിരുന്നത്. എന്നാൽ നവംബർ 10 ന് ഭക്ഷണത്തിന് ശേഷം ആറ് വയസ്സുള്ള മകൻ ക്രിസ്റ്റഫറിനൊപ്പം ഒരു ബെഞ്ചിൽ ഇരിക്കുമ്പോൾ സൂസന് അസ്വസ്ഥതകൾ പ്രകടമാകാൻ തുടങ്ങി. ഇവരുടെ ഭർത്താവ് ബ്രയാൻ സുഹൃത്തുക്കളോടൊപ്പം സമീപത്തെ കടയിലായിരുന്നു. അവൾ ഉടൻ തന്നെ അവനെ അറിയിക്കുകയും ഇരുവരും ഹോട്ടലിൽ തിരിച്ചെത്തുകയും ആംബുലൻസിനെ വിളിക്കുകയും ചെയ്തു. പക്ഷേ, ഒരു മണിക്കൂറെങ്കിലും കാത്തിരിക്കേണ്ടിവരുമെന്ന് അവർ പറഞ്ഞു. തുടർന്ന് ഒരു ടാക്സിയിൽ പകരം അവർക്ക് ആശുപത്രിയിലേക്ക് യാത്ര ചെയ്യേണ്ടതായി വന്നു. യാത്ര തുടങ്ങി അഞ്ചുമിനിട്ടിനുള്ളിൽ കുഞ്ഞ് ജനിക്കുകയായിരുന്നു.
ടാക്സിക്കാരൻ അവരെ പ്യൂർട്ടോ ഡെൽ കാർമെനിലെ ഒരു ആശുപത്രിയിലേക്ക് കൊണ്ടുപോയെങ്കിലും, അനുയോജ്യമായ സൗകര്യങ്ങൾ ഇല്ലാത്തതിനാൽ അറെസിഫെയിലെ അടുത്ത ഹോസ്പിറ്റലിലേക്ക് പോകാൻ പോകാൻ നിർദേശം നൽകി. ഒടുവിൽ അമ്മയെയും കുഞ്ഞിനെയും വിമാനമാർഗം ഡബ്ലിനിലെ കൂംബെ ഹോസ്പിറ്റലിലേക്ക് തിരികെ കൊണ്ടുപോയി. അമ്മയും കുഞ്ഞും അവിടെ ഇപ്പോൾ ചികിത്സയിലാണ്.
