അയർലണ്ടിലെ ആരോഗ്യ സേവന സ്ഥാപനമായ ഹെൽത്ത് സർവീസ് എക്സിക്യൂട്ടീവ് (HSE) മെയ് മാസാവസാനത്തോടെ ബജറ്റിനേക്കാൾ €400 മില്യൺ അധിക ചെലവിലായതായി Oireachtas ആരോഗ്യ സമിതിയെ അറിയിച്ചു. ആരോഗ്യ സമിതിക്ക് മുമ്പാകെ ഹാജരായ HSE ചീഫ് എക്സിക്യൂട്ടീവ് ഓഫീസർ ആൻ ഒ’കോണർ, ശമ്പള ചെലവുകളാണ് ബജറ്റിനെ ഏറ്റവും കൂടുതൽ ബാധിച്ചതെന്ന് വ്യക്തമാക്കി. കഴിഞ്ഞ ശൈത്യകാലത്ത് ആരോഗ്യ സേവനങ്ങളിലുണ്ടായ തിരക്കും രോഗികളുടെ വർധിച്ച ആവശ്യകതയും ചെലവ് വർധനവിന് കാരണമായതായി അവർ പറഞ്ഞു.
Join GNN24X7 IRELAND Whatsapp Group 🔗 https://chat.whatsapp.com/HCHNSM0uwJ54sRAzNI1ur2
ഏജൻസി ജീവനക്കാരെ ആശ്രയിക്കുന്നത് കുറയ്ക്കുന്നതിനുള്ള വിപുലമായ പദ്ധതി നടപ്പിലാക്കിവരികയാണെന്നും, സാമ്പത്തിക കുറവ് വർധിക്കുന്ന നിരക്ക് ഇപ്പോൾ മന്ദഗതിയിലായിട്ടുണ്ടെന്നും ഒ’കോണർ വ്യക്തമാക്കി. അതേസമയം, ആരോഗ്യ വകുപ്പിന്റെ പുതുതായി നിയമിതനായ സെക്രട്ടറി ജനറൽ ഡെറിക് ടിയേർണി ആരോഗ്യ സേവനങ്ങൾ നിലവിൽ അതീവ സമ്മർദ്ദത്തിലൂടെയാണ് കടന്നുപോകുന്നതെന്ന് സമിതിയെ അറിയിച്ചു. ജനസംഖ്യാ വർധന, പ്രായമായവരുടെ എണ്ണം കൂടുന്നത്, ചികിത്സയുടെ സങ്കീർണ്ണത വർധിക്കുന്നത് എന്നിവ ആരോഗ്യ സേവനങ്ങളിലേക്കുള്ള ആവശ്യകത വർധിപ്പിച്ചിട്ടുണ്ടെന്ന് അദ്ദേഹം ചൂണ്ടിക്കാട്ടി.
കൂടാതെ, ചികിത്സ ലഭ്യത, കാത്തിരിപ്പ് സമയം, ജീവനക്കാരുടെ കുറവ്, ജീവനക്കാരുടെ മാനസികാവസ്ഥ എന്നിവയും ആരോഗ്യ മേഖല നേരിടുന്ന പ്രധാന വെല്ലുവിളികളാണെന്ന് അദ്ദേഹം പറഞ്ഞു. സേവനങ്ങളുടെ നിലവാരം നിലനിർത്തിക്കൊണ്ട് ചെലവുകൾ നിയന്ത്രിക്കേണ്ടത് അനിവാര്യമാണെന്നും ടിയേർണി കൂട്ടിച്ചേർത്തു. ഇതിനിടെ, National Children’s Hospital പദ്ധതിയുടെ പുരോഗതി സംബന്ധിച്ച ചോദ്യത്തിന്, പ്രകടമായ പുരോഗതി ഉണ്ടായിട്ടില്ലെന്ന് ടിയേർണി സമ്മതിച്ചു. നിർമാണ കരാർ കമ്പനിയായ BAM ഇതുവരെ 19 തവണ നിശ്ചിത സമയപരിധികൾ പാലിക്കുന്നതിൽ പരാജയപ്പെട്ടതായും, നിലവിൽ ആശുപത്രിയുടെ നിർമാണം ഓഗസ്റ്റ് അവസാനത്തോടെ പൂർത്തിയാകുമെന്നാണ് കമ്പനി അറിയിച്ചിരിക്കുന്നതെന്നും അദ്ദേഹം വ്യക്തമാക്കി.
പുതിയ ആശുപത്രിയുടെ നിർമാണ മേൽനോട്ടം വഹിക്കുന്ന നാഷണൽ പീഡിയാട്രിക് ഹോസ്പിറ്റൽ ഡെവലപ്മെന്റ് ബോർഡ് (NPHDB) നിർമാണ പ്രവർത്തനങ്ങൾ വേനൽക്കാലാവസാനത്തോടെ പൂർത്തിയാകുമെന്ന സൂചനകളാണ് നിലവിലുള്ളതെന്ന് അറിയിച്ചു. എന്നാൽ സ്വതന്ത്ര എംപ്ലോയേഴ്സ് റെപ്രസെന്റേറ്റീവ് നടത്തുന്ന പരിശോധനകളും അംഗീകാര നടപടികളും പൂർത്തിയായ ശേഷമേ അന്തിമ സമയക്രമം സ്ഥിരീകരിക്കാനാകൂ എന്നും ബോർഡ് വ്യക്തമാക്കി.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==
