ജനപങ്കാളിത്തം കൊണ്ടും, അംഗബലം കൊണ്ടും അയർലൻഡിലെ പ്രമുഖ മലയാളി അസ്സോസിയേഷനുകളിൽ ഒന്നായ, Kilkenny Malayali Association – (KMA) എല്ലാം വർഷത്തെ പോലെയും, ഈ വർഷവും ക്രിസ്തുമസ്സ് പുതുവത്സര ആഘോഷങ്ങൾ ഗംഭീരമായി സംഘടിപ്പിച്ചു.
നവംബർ മാസം മുതൽ അസോസിയേഷൻ്റെ ഫേസ്ബുക്ക് പേജ് വഴി നടത്തപ്പെട്ട ‘KMA REELS COMPETITION 2023’-ൽ കിൽക്കനിയിലെ മികവുറ്റ കലാകാരി – കലാകാരന്മാർ പങ്കെടുക്കുകയും മത്സരത്തിൻ്റെ ജഡ്ജിംഗ് പാനലിൽ പ്രശസ്ത സിനിമാ നടനും സംവിധായകനും നിർമാതാവുമായ ശ്രീ. ഗിന്നസ് പക്രു, മികച്ച പ്രേക്ഷക പ്രശംസ നേടിയ ‘Falimi’ മലയാള സിനിമയുടെ തിരക്കഥാകൃത്ത് ശ്രീ. സാഞ്ജോ ജോസഫ്, അനുഗ്രഹീത ഗായകനായ ശ്രീ. കിഷോർ വർമ എന്നിവർ വിധികർത്താക്കളായി എത്തുകയും ചെയ്തു. കൂടാതെ KMA അംഗങ്ങൾക്കായി ഫാൻസി ഡ്രസ്സ് മത്സരവും ഫേസ്ബുക്ക് പേജിലൂടെ നടത്തപ്പെട്ടു.
2024 ജനുവരി ആറാം തീയതി ശനിയാഴ്ച KMA വൈസ് പ്രസിഡൻ്റ് ശ്രീ. ജോമി ജോസിൻ്റെ അധ്യക്ഷതയിൽ കിൽക്കനിയിലെ O’Loughlin GAA Club ഹാളിൽ വെച്ച് നടത്തപ്പെട്ട ക്രിസ്തുമസ് പുതുവത്സര ആഘോഷരാവിൻ്റെ ഉദ്ഘാടന ചടങ്ങിൽ കിൽക്കനി കൗണ്ടി കൗൺസിലർ Cllr.Joe Lyon വിശിഷ്ട അതിഥിയായും, ബഹുമാനപ്പെട്ട മലയാളി വൈദികൻ Rev:Fr. Godfrey Perera പ്രത്യേക ക്ഷണിതാവായും എത്തുകയും ചെയ്തു.
അന്നേ ദിവസം ക്രിസ്തുമസ് കരോൾ ഗാനമത്സരം, Cake Making Competition, കുട്ടികളുടെയും മുതിർന്നവരുടെയും വിവിധയിനം കലാപരിപാടികളും നടത്തപ്പെട്ടു. തുടർന്ന് ഡബ്ലിനിലെ പ്രശസ്ത ഗാനമേള ട്രൂപ്പായ Blue Diamondsൻ്റെ സംഗീത വിരുന്നും അരങ്ങേറി.
റിപ്പോർട്ടർ: അനിൽ ജോസഫ് രാമപുരം.
Follow the GNN24X7 IRELAND channel on WhatsApp:
https://whatsapp.com/channel/0029Va4AM6UElagtUTDuQQ0S
GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.
https://chat.whatsapp.com/Fvb5dzrOEnRCV2ReS4R7Gb
