2023-ലെ ആദ്യ ഒമ്പത് മാസങ്ങളിൽ 15,000-ലധികം കുടുംബങ്ങൾക്ക് കുടിയൊഴിപ്പിക്കൽ നോട്ടീസ് ലഭിച്ചു. ഈ വർഷം ക്രിസ്മസ് സമയമായപ്പോഴേക്കും കുറഞ്ഞത് 10,000 പേർ വീടുവിട്ട് പോകുമെന്ന് പുതിയ കണക്കുകൾ കാണിക്കുന്നു. ഈ വർഷത്തെ മൂന്നാം പാദത്തിൽ, 4,518 ടെർമിനേഷൻ നോട്ടീസുകൾ Residential Tenancies Boardന് ലഭിച്ചതായി റെന്റൽ വാച്ച്‌ഡോഗ് പറഞ്ഞു. ഏതാണ്ട് മൂന്നിൽ രണ്ട് കേസുകളിലും (63%), കുടിയൊഴിപ്പിക്കൽ നോട്ടീസിന് പറഞ്ഞ കാരണം, ഭൂവുടമ വസ്തു വിറ്റഴിക്കുന്നു എന്നതാണ്.
നാലിൽ രണ്ട് കുടിയൊഴിപ്പിക്കൽ നോട്ടീസുകൾ (1,863 എണ്ണം) ഡബ്ലിനിലെ പ്രോപ്പർട്ടികൾക്കാണ്. ,കോർക്കിൽ 497, ഗാൽവേയിൽ 255, ലിമെറിക്കിൽ 204 എന്നിഅങ്ങനെയും ഒഴിപ്പിക്കൽ നോട്ടീസ് നൽകി. ഈ വർഷം ഏതെങ്കിലും ഘട്ടത്തിൽ കുടിയൊഴിപ്പിക്കൽ നോട്ടീസ് നൽകിയ 4,325 കുടുംബങ്ങൾക്ക് ഒക്‌ടോബർ, നവംബർ അല്ലെങ്കിൽ ഡിസംബർ മാസങ്ങളിൽ ഒഴിഞ്ഞു പോകാനുള്ള തീയതി നൽകിയതായി RTB അറിയിച്ചു. Q1 ൽ 4,753 ഒഴിപ്പിക്കൽ നോട്ടീസുകളും, Q l2 ൽ 5,735 നോട്ടീസുകളും, Q3 ൽ 4,518 നോട്ടീസും നൽകി. ഈ വർഷം ഇതുവരെ, കുറഞ്ഞത് 6,000 കുടുംബങ്ങളെങ്കിലും കുടിയൊഴിപ്പിക്കൽ നോട്ടീസിന്റെ ഫലമായി വീടുവിട്ടിറങ്ങേണ്ടതായിരുന്നു.
Emergency accommodation നേടിയ കുടുംബങ്ങളിൽ മൂന്നിലൊന്ന് പേർ കുടിയൊഴിപ്പിക്കൽ നോട്ടീസ് ലഭിച്ചതായി ഭവനനിർമ്മാണ വകുപ്പ് അടുത്തിടെ പ്രസിദ്ധീകരിച്ച കണക്കുകൾ കാണിക്കുന്നു. കുടിയൊഴിപ്പിക്കപ്പെട്ടതിന്റെ ഫലമായി ഭവനരഹിതരായവരുടെ എണ്ണം ഔദ്യോഗിക കണക്കുകൾ സൂചിപ്പിക്കുന്നതിലും വളരെ കൂടുതലായിരിക്കുമെന്ന് വിശകലന വിദഗ്ധർ പറയുന്നു. ഈ വർഷം ജൂലൈ, ഓഗസ്റ്റ്, സെപ്തംബർ മാസങ്ങളിൽ സ്വകാര്യ ടെനൻസികളുടെ ആദ്യ രജിസ്ട്രേഷനായി 17,051 അപേക്ഷകൾ ലഭിച്ചതായി ആർടിബി അറിയിച്ചു. സ്വകാര്യ ടെനൻസികൾ പുതുക്കാൻ 45,211 അപേക്ഷകളും അംഗീകൃത ഹൗസിംഗ് ബോഡിസ് ടെനൻസികൾ പുതുക്കാൻ 7,256 അപേക്ഷകളും ലഭിച്ചു.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.
https://chat.whatsapp.com/Fvb5dzrOEnRCV2ReS4R7Gb
