അയർലണ്ടിലേക്ക് കുടിയേറുന്ന ഇന്ത്യക്കാരടക്കമുള്ള വിദേശികൾക്ക് ആശ്വാസം നൽകുന്ന ഒരുപിടി മാറ്റങ്ങങ്ങളാണ് Courts and Civil Law (Miscellaneous Provisions) Act 2023 ൽ വന്നിരിക്കുന്നത്. നിയമത്തിൽ Irish nationality and citizenship, court offices, bankruptcy, international protection, data protection, immigration and legal services എന്നിവ ഉൾപ്പെടെയുള്ള കാര്യങ്ങളിൽ ഭേദഗതികൾ അടങ്ങിയിരിക്കുന്നു.
അയർലണ്ടിൽ ജനിക്കുന്ന, വ്യത്യസ്ത രാജ്യക്കാരായ കുട്ടികൾക്ക് പൗരത്വത്തിന് അപേക്ഷിക്കാനുള്ള റെസിഡൻസി നിബന്ധനയും അഞ്ച് വർഷത്തിൽ നിന്ന് മൂന്ന് വർഷമായി കുറച്ചു എന്നതാണ് സവിശേഷമായ മാറ്റങ്ങളിൽ ഒന്ന്. അയർലണ്ടിൽ മറ്റൊരു രാജ്യക്കാരായ മാതാപിതാക്കൾക്ക് ജനിച്ച കുട്ടികൾക്ക് ഇപ്പോൾ അഞ്ച് വർഷത്തിന് പകരം മൂന്ന് വർഷത്തിന് ശേഷം പൗരത്വത്തിന് അപേക്ഷിക്കാം. പൗരത്വ റഫറണ്ടം മുതൽ, രാജ്യത്തെ ഐറിഷ് ഇതര നിവാസികൾക്ക് ജനിച്ച കുട്ടികൾക്ക്, അവരുടെ മാതാപിതാക്കളിൽ ഒരാൾ ഐറിഷ് പൗരനാണെങ്കിൽ അല്ലെങ്കിൽ പൗരനാകാൻ അർഹതയുണ്ടെങ്കിൽ മാത്രമേ ഐറിഷ് പൗരത്വത്തിന് സ്വയമേവ അവകാശമുള്ളൂ.
14 വയസ്സിന് മുകളിലുള്ള പ്രായപൂർത്തിയാകാത്ത അപേക്ഷകർക്ക് “good character” വിലയിരുത്തലിലൂടെ പൗരത്തിന് പരിഗണിക്കും. കൂടാതെ, അപേക്ഷകർക്ക് പൗരത്യ അപേക്ഷ നൽകിയതിന് ഒരു വർഷം മുൻപ് വരെയുള്ള കാലയളവിൽ, തുടർച്ചയായി 70 ദിവസം വരെ രാജ്യത്ത് നിന്നും വിട്ടുനിൽക്കാൻ അനുവാദമുണ്ട്. ആവശ്യമാണെങ്കിൽ 30 ദിവസം വരെ അധിക കാലയളവും അനുവദിച്ചേക്കാം. ഇതിനർത്ഥം നിർദ്ദിഷ്ട സാഹചര്യങ്ങളിൽ 100 ദിവസം വരെ അസാന്നിധ്യം അനുവദനീയമായേക്കാം എന്നാണ്. ആരോഗ്യ കാരണങ്ങൾ, കുടുംബ സാഹചര്യങ്ങൾ, തൊഴിൽ, പഠനം എന്നീ കാര്യങ്ങൾ ഇതിൽ ഉൾപ്പെടുന്നു.
The full text of the Act is available here.
ഗുരുതരമായ കുറ്റകൃത്യങ്ങളിൽ ശിക്ഷിക്കപ്പെട്ടവർ, അല്ലെങ്കിൽ രാജ്യത്തിന്റെ സുരക്ഷയ്ക്ക് ഭീഷണിയാകുന്നവർ എന്നിവർക്ക് സ്വമേധയാ രാജ്യം വിട്ട് പോകാനുള്ള ഓപ്ഷൻ കൂടാതെ നാടുകടത്തൽ ഉത്തരവും നൽകാം. ഭേദഗതികളുടെ ഭാഗമായി ഒരിക്കൽ നാടുകടത്തപ്പെട്ടാൽ അയർലണ്ടിലേക്ക് മടങ്ങാനാകില്ല.ഇലക്‌ട്രോണിക് രീതിയിൽ ഡോക്യൂമെന്റുകൾ നൽകുന്നതിന് ഇമിഗ്രേഷൻ അധികാരികളെ അനുവദിക്കുന്നതിനായി 1999 ലെ ഇമിഗ്രേഷൻ ആക്ട് ഭേദഗതി ചെയ്തു.
ഇ-മെയിൽ വഴിയോ ഉപഭോക്തൃ പോർട്ടൽ വഴിയോ ആളുകൾക്ക് ഇമിഗ്രേഷൻ സംബന്ധമായി ബന്ധപ്പെടാൻ അനുവദിക്കുമെന്ന് നീതിന്യായ വകുപ്പ് അറിയിച്ചു. ഭേദഗതികൾ ഭരണപരമായ ഭാരം കുറയ്ക്കുകയും ഉപഭോക്താക്കൾക്ക് ലഭ്യമായ ഡിജിറ്റൽ സേവനങ്ങൾ മെച്ചപ്പെടുത്തുകയും ചെയ്യും. നാച്ചുറലൈസേഷനായി സമർപ്പിക്കപ്പെട്ടതും തീർപ്പുകൽപ്പിക്കാത്തതുമായ എല്ലാ അപേക്ഷകൾക്കും തുടർന്നുള്ള എല്ലാ പുതിയ അപേക്ഷകൾക്കും മാറ്റങ്ങൾ ബാധകമാകും.
GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.
https://chat.whatsapp.com/FWXGyNLHsfRD9YSOuav2LU
