വാട്ടർഫോർഡ്: അയർലൻഡിലെ കിൽകെന്നിയിലെ റോഡ് അപകടത്തിൽ മൂന്ന് പേർക്ക് ഗുരുതര പരുക്ക്. ഇവരിൽ രണ്ട് പേർ മലയാളികളാണ്. കഴിഞ്ഞ ദിവസം രാത്രി ഏഴരയ്ക്ക് ശേഷം എം 9ലാണ് രണ്ട് കാറുകൾ കൂട്ടിയിടിച്ചത്.
വാട്ടർഫോർഡ് മലയാളികളായ സെബിൻ, ജിഷ്ണു എന്നിവരാണ് ഗുരുതരമായ പരുക്കുകളോടെ ആശുപ്രതിയിൽ പ്രവേശിപ്പിക്കപ്പെട്ട മലയാളികൾ. ഇവർ ചികിത്സയിൽ തുടരുകയാണ്. ഒരാൾ നഴ്സും മറ്റൊരാൾ സ്വകാര്യ ഫില്ലിംഗ് സ്റ്റേഷനിലെ ജീവനക്കാരനുമാണ്.
പുതിയ വാഹനം വാങ്ങാനായി ഡബ്ലിനിൽ പോയി മടങ്ങി വരവേ മലയാളി യുവാക്കൾ സഞ്ചരിച്ച വാഹനം കേടാവുകയായിരുന്നു. ഇതേ തുടർന്ന് വാഹനം പരിശോധിക്കാൻ പുറത്തിറങ്ങിയ യുവാക്കളെ പിന്നിൽ നിന്നും വന്ന വാഹനം ഇടിക്കുകയാണ് ചെയ്തത്. ഇടിച്ച കാറിന്റെ ഡ്രൈവറെയും യുവാക്കളെയും വാട്ടർഫോർഡ് റീജനൽ ആശുപത്രിയിൽ പ്രവേശിപ്പിച്ചു. ഫോറൻസിക് സംഘം സ്ഥലത്തെത്തി പരിശോധന നടത്തി. സംഭവത്തിൽ ദൃക്സാക്ഷികൾ ഉണ്ടങ്കിൽ അറിയിക്കണമെന്ന് പൊലീസ് അറിയിപ്പ് നൽകി.
Follow the GNN24X7 IRELAND channel on WhatsApp:
https://whatsapp.com/channel/0029Va4AM6UElagtUTDuQQ0S
GNN NEWS IRELAND നിന്നുള്ള പ്രധാന വാര്ത്തകളും, ബ്രേക്കിംഗ് ന്യൂസുകളും വാട്സാപ്പില് ലഭിക്കുവാന് താഴെയുള്ള ലിങ്കില് ക്ലിക്ക് ചെയ്ത് ജോയിന് ചെയ്യുക.
https://chat.whatsapp.com/Fvb5dzrOEnRCV2ReS4R7Gb