കഴിഞ്ഞ ദിവസം രാത്രി ഡബ്ലിൻ സിറ്റി സെന്ററിൽ വെച്ച് അമേരിക്കൻ വിനോദസഞ്ചാരിയെ ഒരു സംഘം ആക്രമിച്ചു. ഡബ്ലിൻ Beaumont ആശുപത്രിയിലെ തീവ്രപരിചരണ വിഭാഗത്തിൽ തുടരുന്ന അദ്ദേഹത്തിന്റെ ആരോഗ്യനില ഗുരുതരമായ തുടരുകയാണെന്ന് അധികൃതർ അറിയിച്ചു. രാത്രി 10.40ഓടെ സ്റ്റോർ സ്ട്രീറ്റിൽ വെച്ച് 57 കാരനായ ഇദ്ദേഹത്തെ ഒരു സംഘം യുവാക്കൾ ആക്രമിക്കുകയായിരുന്നു. ടാൽബോട്ട് സ്ട്രീറ്റിലെ താൻ താമസിച്ചിരുന്ന ഗസ്റ്റ് ഹൗസിൽ നിന്ന് ഇറങ്ങിയതായിരുന്നു അദ്ദേഹം.
ഗാർഡയെയും എമർജൻസി സർവീസിനെയും സംഭവസ്ഥലത്തെത്തി , ഇദ്ദേഹത്തെ ബ്യൂമോണ്ട് ആശുപത്രിയിലേക്ക് മാറ്റി. ആക്രമണത്തിനിടെ തലയ്ക്കും മുഖത്തും സാരമായി പരിക്കേറ്റിട്ടുണ്ട്. അമേരിക്കയിലെ വാഷിംഗ്ടണിൽ നിന്നുള്ളയാളാണ് ഇരയെന്നും അയർലണ്ടിലെ സ്ഥിരം സന്ദർശകനാണെന്നും അറിയുന്നു. അക്രമികളെ ആരെയും അറസ്റ്റ് ചെയ്തിട്ടില്ല.
സംഭവത്തെക്കുറിച്ച് കൂടുതൽ വിവരങ്ങൾ അറിയുന്നവർ ഉടൻ ബന്ധപ്പെടണമെന്ന് Store Street Garda Station അധികൃതർ അറിയിച്ചു. 01-666 8000 എന്ന നമ്പറിലോ അല്ലെങ്കിൽ Garda confidential line 1800 666 111-ലോ ബന്ധപ്പെടാം.
GNN NEWS IRELAND നിന്നുള്ള പ്രധാന വാര്ത്തകളും, ബ്രേക്കിംഗ് ന്യൂസുകളും വാട്സാപ്പില് ലഭിക്കുവാന് താഴെയുള്ള ലിങ്കില് ക്ലിക്ക് ചെയ്ത് ജോയിന് ചെയ്യുക.
https://chat.whatsapp.com/Itv41RPHGZ0BL2tcOUGxIA