കട്ടക്ക്: ഒഡീഷയിലെ കട്ടക്കിലാണ് സംഭവം നടന്നത്. വീട്ടിലെ രക്ഷിതാക്കളുമായി യുവതി വഴക്കിടുകയും വീടുവിട്ടിറങ്ങുകയും ചെയ്തു. തുടര്‍ന്ന് 17 കാരിയായ യുവതിയെ വഴിമധ്യേ സഹായവുമായി എത്തിയ യുവാവ് കെട്ടിയിട്ട് 22 ദിവസം തുടരെ പീഡിപ്പിച്ചു.
ആഗസ്ത് മാസത്തില്‍ ടിര്‍ട്ടോള്‍ സ്വദേശിയായ യുവതി രക്ഷിതാക്കളുമായി വഴക്കിടുകയും തുടര്‍ന്ന് വീടുവിട്ടിറങ്ങുകയും ചെയ്തു. പിന്നീട് വീട്ടിലേക്ക് തിരിച്ചു പോവാന്‍ വേണ്ടി യുവതി ബസ് കാത്തു നില്‍ക്കുമ്പോഴാണ് ആകസ്മികമായി ക്ടക്കിലെ ഒ.എം.പി. സ്വക്യറിലെ ബസ്‌സ്റ്റോപ്പില്‍ വച്ച് യുവാവിനെ പരിചയപ്പെടുന്നത്. ബൈക്കിലെത്തിയ യുവാവ് യുവതിയുടെ സ്ഥിതിയില്‍ പന്തികേട് തോന്നിയതില്‍ പതുക്കെ നല്ല വര്‍ത്തമാനം പറഞ്ഞ് അടുത്തു കൂടുകയായിരുന്നു. തുടര്‍ന്ന് അയാള്‍ പെണ്‍കുട്ടിയുടെ വിശ്വാസം പിടിച്ചു പറ്റി. പെണ്‍കുട്ടിയെ വിട്ടിലെത്തിക്കാമെന്ന് വാഗ്ദാനം ചെയ്ത് അയാള്‍ പെണ്‍കുട്ടിയെ കൂടെ കൂട്ടി.
പെണ്‍കുട്ടിയെ വീട്ടിലേക്ക് കൊണ്ടുപോവുന്നതിന് പകരം അയാള്‍ നേരെ ഒരു ഫാം ഹൗസിലേക്കാണ് പെണ്‍കുട്ടിയെ കൊണ്ടുപോയത്. ഗതിരൗട്ട് പട്‌ന ഗ്ാമത്തിലുള്ള ഒരു ഫാമിലാണ് പെണ്‍കുട്ടിയെ എത്തിച്ചത്. തുടര്‍ന്ന് മറ്റൊരാളുടെ സഹായത്തോടെ പെണ്‍കുട്ടിയെ ഫാംഹൗസില്‍ കെട്ടിയിടുകയും രണ്ടുപേരും മാറിമാറി 22 ദിവസത്തോളം പെണ്‍കുട്ടിയെ ലൈംഗികമായി ഉപയോഗിക്കുയും ചെയ്തുവെന്നാണ് പെണ്‍കുട്ടി ജില്ലാ ശിശുക്ഷേമ സമിതിയ്ക്ക് മുന്‍പാലെ മൊഴി നല്‍കിയത്. പെണ്‍കുട്ടിയെ തുടര്‍ന്ന അനാഥാലയത്തിലേക്ക് മാറ്റി.
ഫാം ഹൗസില്‍ പരിചിതമല്ലാതെ മറ്റെന്തോ നടക്കുന്നുവെന്ന നാട്ടുകാരുടെ സംശയത്തിന്മേലാണ് ചിലര്‍ ഫാം ഹൗസ് ശ്രദ്ധിക്കുന്നതും അപ്രതീക്ഷിതമായി ദുരൂഹത നിറഞ്ഞ പലതും ശ്രദ്ധയില്‍പ്പെടുന്നതും. തുടര്‍ന്ന് നാട്ടുകാര്‍ സ്ഥലത്തെ പോലീസില്‍ വിവരം അറിയിച്ചു. തുടര്‍ന്ന് പോലീസ് സ്ഥലത്തെത്തി. ഒരാളെ ഇതുമായി ബന്ധപ്പെട്ട് പോലീസ് അറസ്റ്റു ചെയ്തു. ഒരാള്‍ ഒളിവില്‍ പോയതായാണ് അറിവ്. പോലീസ് അയാളെ തിരഞ്ഞുകൊണ്ടിരിക്കുന്നു. സംഭവത്തില്‍ പ്രതിഷേധിച്ച് സ്തലത്തെ ബി.ജെ.പി, കോണ്‍ഗ്രസ് സംഘം ബി.ജെ.ഡി സര്‍ക്കാരിനെതിരെ പ്രതിഷേധ പ്രകടനം നടത്തി.
