യു കെയിൽ വരും ദിവസങ്ങളിൽ 52 സ്റ്റോറുകൾ അടച്ചുപൂട്ടാനും 1332 ജോലികൾ വെട്ടിക്കുറയ്ക്കാനും WILKO ഒരുങ്ങുന്നു. വരുമാന നഷ്ടം കണക്കിലെടുത്താണ് അടച്ചുപൂട്ടലെന്ന് അഡ്മിനിസ്ട്രേറ്റർമാർ സ്ഥിരീകരിച്ചു. സെപ്തംബർ 12-ന് രണ്ട് ഡസൻ വിൽകോ ശാഖകൾ അടയ്ക്കും. രണ്ട് ദിവസത്തിന് ശേഷം 28 കടകൾ കൂടി അടച്ചിടും. 1016 പേരെ പിരിച്ചുവിടും. വിൽകോസ് സ്റ്റോറുകളിൽ ഏതൊക്കെയാണ് പൂട്ടുന്നതെന്ന് ഇതുവരെ വെളിപ്പെടുത്തിയിട്ടില്ല.
വിൽകോയുടെ 51 ഷോപ്പുകൾ ഏറ്റെടുക്കാൻ ബി ആൻഡ് എം കമ്പനി മുന്നോട്ടു വന്നിട്ടുണ്ട്. എന്നാൽ മറ്റുള്ള മുന്നൂറോളം ഷോപ്പുകളുടെ കാര്യത്തിൽ അനിശ്ചിതത്വം തുടരുകയാണ്. വരും ദിവസങ്ങളിൽ ഇവയുടെ കാര്യത്തിൽ പുരോഗതിയുണ്ടായില്ലെങ്കിൽ കൂടുതൽ ഷോപ്പുകൾക്ക് പൂട്ടുവീഴും. ഇവ ഏറ്റെടുക്കാൻ താൽപര്യം പ്രകടിപ്പിച്ചിട്ടുള്ള കമ്പനികളുമായി അഡ്മിനിസ്ട്രേറ്റേഴ്സ് ചർച്ചകൾ തുടരുകയാണ്. ഓഗസ്റ്റ് മാസത്തിന്റെ തുടക്കത്തിലാണ് വിൽക്കോയുടെ തകർച്ചയ്ക്ക് തുടക്കമായത്. രാജ്യമെങ്ങും ഹൈസ്ട്രീറ്റുകളിൽ നാനൂറിലേറെ ഷോപ്പുകളാണ് കമ്പനിക്ക് ആകെയുള്ളത്.
GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.
https://chat.whatsapp.com/Fvb5dzrOEnRCV2ReS4R7Gb
