റിയാദ്: സൗദി അറേബ്യയിൽ കോവിഡ് ബാധിതരുടെ എണ്ണം 2.17ലക്ഷം കടന്നു. 24 മണിക്കൂറിനിടെ രാജ്യത്ത് രോഗം സ്ഥിരീകരിച്ചത് 3,392 പേർക്കാണ്. ഇതോടെ ആകെ രോഗബാധിതരുടെ എണ്ണം 217,108 ആയി ഉയർന്നു. രോഗമുക്തി നേടുന്നവരുടെ എണ്ണത്തിലും വൻ വർധനവുണ്ടാകുന്നത് ആശ്വാസം പകരുന്നുണ്ട്. കഴിഞ്ഞ ദിവസം മാത്രം 5,205 പേർ രോഗമുക്തി നേടിയെന്നാണ് ആരോഗ്യമന്ത്രാലയം അറിയിച്ചത്. നിലവിൽ 154,839 പേരാണ് ചികിത്സയിൽ തുടരുന്നത്.
ഒറ്റദിവസത്തിനിടെ 49 മരണങ്ങൾ കൂടി റിപ്പോർട്ട് ചെയ്യപ്പെട്ടതോടെ രാജ്യത്തെ ആകെ മരണസംഖ്യ 2,017 ആയി. കഴിഞ്ഞ ദിവസം ഏറ്റവും കൂടുതൽ കോവിഡ് കേസുകൾ റിപ്പോര്ട്ട് ചെയ്യപ്പെട്ടത് റിയാദിൽ നിന്നാണ്. 308 പേർക്കാണ് ഇവിടെ രോഗം സ്ഥിരീകരിച്ചത്.
അതേസമയം വേൾഡോമീറ്റർ കണക്കുപ്രകാരം ആഗോളതലത്തിൽ കോവിഡ് ബാധിതരുടെ എണ്ണം 11,941,774 ആയി ഉയർന്നിട്ടുണ്ട്. 545,652 മരണങ്ങളാണ് ഇതുവരെ റിപ്പോർട്ട് ചെയ്യപ്പെട്ടിട്ടുള്ളത്.