ഇന്ന് രാവിലെ നിരവധി കൗണ്ടികളിൽ മെറ്റ് ഐറാൻ പുതുക്കിയ മഴ മുന്നറിയിപ്പുകൾ നൽകിയിട്ടുണ്ട് .കാർലോ, കിൽകെന്നി, വെക്സ്ഫോർഡ്, കോർക്ക്, വാട്ടർഫോർഡ് എന്നിവിടങ്ങളിൽ തിങ്കളാഴ്ച വൈകുന്നേരം 9 മണി മുതൽ ചൊവ്വാഴ്ച ഉച്ചകഴിഞ്ഞ് 3 മണി വരെ സ്റ്റാറ്റസ് യെല്ലോ മഴ മുന്നറിയിപ്പുണ്ടാകും. അതേസമയം ഡബ്ലിൻ, ലൗത്ത്, വിക്ലോ എന്നിവിടങ്ങളിൽ ചൊവ്വാഴ്ച രാവിലെ 6 മണി മുതൽ പ്രാബല്യത്തിൽ വരുന്ന മുന്നറിയിപ്പ് രാത്രി 9 മണി വരെ നിലനിൽക്കും. നാളെ വരെ തെക്കൻ, കിഴക്കൻ തീരദേശ കൗണ്ടികളിൽ കനത്ത മഴ തുടരും.
Join GNN24X7 IRELAND Whatsapp Group 🔗https://chat.whatsapp.com/DMcx9ffd8nI5hZfAUsl96s?mode=hqrt3
നദികളിലെ ജലനിരപ്പ് ഉയരാനും, ശക്തമായ വേലിയേറ്റത്തിനും സാധ്യതയുണ്ട്. ഇത് നദികളിലും തീരപ്രദേശങ്ങളിലും കൂടുതൽ വെള്ളപ്പൊക്കത്തിന് കാരണമാകും. ചില കൗണ്ടികളിൽ പ്രതീക്ഷിച്ചതിലും കൂടുതൽ സമയം കനത്ത മഴ പെയ്യുമെന്ന് കാലാവസ്ഥാ വിദഗ്ദ്ധർ മുന്നറിയിപ്പ് നൽകിയിട്ടുണ്ട്. ഫെബ്രുവരി രണ്ടാം ആഴ്ച വരെ, പ്രത്യേകിച്ച് തെക്കൻ, കിഴക്കൻ തീരദേശ കൗണ്ടികളിൽ, കനത്തതും തുടർച്ചയായതുമായ മഴ തുടരും.
കാർലോ, വെക്സ്ഫോർഡ്, കിൽകെന്നി തുടങ്ങിയ പ്രദേശങ്ങൾ “പീക്ക് ലെവലിൽ” എത്തിയിട്ടുണ്ടെന്നും, വെള്ളപ്പൊക്കം വീണ്ടും ഉണ്ടാകാൻ സാധ്യതയുണ്ടെന്നും മുന്നറിയിപ്പ് നൽകി. വെള്ളപ്പൊക്ക ബാധിത പ്രദേശങ്ങളിലെ ജനങ്ങൾക്ക് അടിയന്തര സാഹചര്യങ്ങൾ കാരണം എന്തെങ്കിലും ബുദ്ധിമുട്ടുകൾ നേരിടേണ്ടിവന്നാൽ “999” എന്ന നമ്പറിൽ ബന്ധപ്പെടാം.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==
