മുംബൈ: കോറോണ മഹാരാഷ്ട്രയിൽ വ്യാപകമായി പടർന്നുകൊണ്ടിരിക്കുകയാണ്. ഇന്ത്യയിൽ ഏറ്റവും കൂടുതൽ കോറോണ ബാധിതർ ഉള്ളത് മഹാരാഷ്ട്രയിലാണ്.
ഇതിനിടയിൽ കോറോണ വൈറസ് ബാധിച്ച് ആശുപത്രിയിൽ ചികിത്സയിലായിരുന്ന മലയാളി നഴ്സിന്റെ നില ഗുരുതരമാണെന്നും റിപ്പോർട്ട് ഉണ്ട്.
ഇവര് ബാന്ദ്രയിലെ ലീലാവതി ആശുപത്രിയില് ചികിത്സയിലാണ്. കൂടാതെ സൌത്ത് മുംബൈയിലെ വോക്ക് ഹാർട്ട് (Wockhard) ആശുപതിയിലെ 40 മലയാളി നഴ്സുമാർക്കും കോറോണ സ്ഥിരീകരിച്ചതായും റിപ്പോർട്ട് ഉണ്ട്.
വോക്ക് ഹാർട്ട് ആശുപതിയിൽ മലയാളി നഴ്സുമാര്ക്ക് രോഗം സ്ഥിരീകരിച്ചെങ്കിലും ഈ വിവരം പുറത്ത് വിടാനോ, ഇവരുമായി സമ്പര്ക്കം പുലര്ത്തിയവരെ ക്വാറന്റൈന് ചെയ്യാനോ ആശുപത്രി മാനേജ്മെന്റ് തയ്യാറാവുന്നില്ല എന്നും റിപ്പോർട്ടുകളുണ്ട്.
ആശുപത്രി അധികൃതരുടെ അനാസ്ഥയാണ് കോറോണ വൈറസ് കൂടുതൽ പേരിലേക്ക് പടർന്നതെന്നും റിപ്പോർട്ട് ഉണ്ട്. കൂടുതൽ ആരോഗ്യ പ്രവര്ത്തകര്ക്കിടയില് വൈറസ് വ്യാപനം ഉണ്ടായതോടെ ആശുപത്രി അടച്ചുപൂട്ടി. വോക്ക് ഹാര്ട്ട് ആശുപത്രിയിലെ 150 ലധികം നഴ്സുമാരെ നിരീക്ഷണത്തില് പാര്പ്പിച്ചിട്ടുണ്ട്.
നേരത്തെ ചികിത്സയിലിരിക്കെ മൂന്നു രോഗികൾ കോറോണ ബാധിച്ച് മരിച്ചിരുന്നു. ഇവരിൽ നിന്നാകാം ആരോഗ്യപ്രവർത്തകർക്ക് പടർന്നത് എന്നാണ് സംശയം.
ആദ്യം ആശുപതിയിലെ 7 നഴ്സുമാർക്ക് ആണ് രോഗം സ്ഥിരീകരിച്ചിരുന്നതെങ്കിലും പിന്നീടേ 50 പേർക്ക് സ്ഥിരീകരിച്ചു.
